Izabel Bro-C'hall (1389-1409)

• Pennadoù Isabelle de France hag Isabelle de Valois zo ivez.

Eured Izabel gant Richarzh II.

Izabel Bro-C'hall, pe Isabelle de France pe Isabelle de Valois e galleg, ganet e 1389 ha marvet e 1409, a oa ur briñsez c'hall, hag a voe Rouanez Bro-Saoz e-pad tri bloaz .

Ur verr a vuhez

Merc'h e oa da Charlez VI (Bro-C'hall), roue Bro-C'hall, ha d'e bried Isabeau de Bavière . O zrede bugel e oa. Marvet e oa he breudeur ha c'hoarezed koshoc'h. E-touez ar re all e oa:

• Janed, pried da Yann V, Dug Breizh,
• Michelle, pried da Philippe III le Bon, dug Bourgogn,
• Louis, dauphin ha dug Guyenne,
• Jean, dauphin ha dug Touraine,
• Catherine, pried da Henri V, Roue Bro-Saoz,
• Charles, a voe roue war-lerc'h o zad.

D'ar 6 a viz Mezheven 1407, ec'h addimezas Izabel e Compiègne da Charles, dug Orleañs. Mervel a reas e gwentloù en miz Eost 1409, da 19 vloaz. He merc'h Janed a zimezas en 1424 da Jean II de Valois, dug Alençon.

Dimezet e voe en 1396, da 7 vloaz, da Richarzh II (1367-1400), roue Bro-Saoz, a oa 22 vloaz koshoc'h egeti. Bugel ebet n'o doe. Intañvez e voe Izabel e 1400, da 11 vloaz.

Distreiñ a reas da Vro-C'hall hag addimeziñ en 1406, da 17 vloaz, da Charles d’Orléans (1394-1465), an dug-barzh. Mervel a reas er gwentloù da 20 vloaz. Ur verc'h he doa bet: Janed . Beziet e voe e Chapel Itron Varia ar C'heloù Mat, e Bleaz, ma voe adkavet he c'horf en e bezh en 1624, paket e bandennoù lin.

E relegoù a voe kaset da iliz ar Celestins, e Paris.