Shah Jahan

An impalaer Shah Jahan

Shahab Uddin Muhammad Shah Jahan I (e anv leun : Al-Sultan al-'Azam wal Khaqan al-Mukarram, Abu'l-Muzaffar Shihab ud-din Muhammad, Sahib-i-Qiran-i-Sani, Shah Jahan I Padshah Ghazi Zillu'llah [Firdaus-Ashiyani]) (anavezetoc’h evel Shah Jahan, شاہجہان en ourdoueg, شاه جهان e perseg, da lavaret eo "roue ar bed") (5 a viz Genver 1592 - 22 a viz Genver 1666) a voe ar pempvet impalaer moghol en Indez etre 1628 ha 1658. Mab e oa d’an impalaer Jahangir, ha d’e wreg Bilqis Makani Begum.

Anavezet eo dreist-holl peogwir e lakas sevel an Taj Mahal, ur mozoleon en enor d’e eil gwreg, Arjumand Banu Begum, anavezetoc’h evel Mumtaz Mahal, a varvas e 1631, diwar he fevarzekvet bugel. Gantañ ivez e voe lakaet sevel ar voskeenn vrasañ en Indez, ar Jama Masjid, e Delhi.

Daoust ma oa hanter Hindouad, eus tu e vamm, e oa un impalaer troet-kenañ gant an islam ha ne reas ket ken brav d’ar relijionoù all evel e dad Jahangir pe e dad-kozh Akbar.

E dibenn e ren e voe toullbac’het gant e vab Aurangzeb e kreñvlec’h Agra, a-dal d’an Taj Mahal. Evel-se e c’halle an den kozh gwelet, en tu all d'ar stêr, al lec’h ma oa beziet e wreg. Eno e varvas.

En e raok : Jahangir

Impalaer Moghol Shah Jahan 1627 - 1658

War e lerc'h : Aurangzeb

Liammoù diavaez

• History of Islam in India at IndiaNest.com (e saozneg)
• Islamic architecture - The Reign of Shah Jahan, 1628-1658