Askorn : diforc'h etre ar stummoù
D r2.7.1) (Robot ouzhpennet: zh-min-nan:Kut |
D r2.7.1) (Robot ouzhpennet: be:Косць |
||
Linenn 43: | Linenn 43: | ||
[[ay:Ch'aka]] |
[[ay:Ch'aka]] |
||
[[bar:Boan]] |
[[bar:Boan]] |
||
[[be:Косць]] |
|||
[[bg:Кост]] |
[[bg:Кост]] |
||
[[bs:Kost]] |
[[bs:Kost]] |
Stumm eus an 18 Kzu 2011 da 15:33
Un askorn (liester : eskern) a zo unan eus ar pezhioù danvez kalet-tre ha dibleg a ya d'ober ur framm e korfoù ar mellkeineged. Ar skeledenn, pe ar c'horf-eskern, eo an anv a vez graet ouzh hollad an eskern staget warnañ an elfennoù gwak evel ar c'higennoù, ar flugez hag an empenn (hemañ enklozet e boest ar c'hlopenn).
Studi an eskern eo an askornouriezh.
Rolloù an eskern
Liesseurt eo rolloù an eskern :
- gwareziñ : gwareziñ a reont an organoù er c'horf, evel ar c'hlopenn a warez an empenn, pe ar c'hostezennoù a warez ar galon hag ar skevent.
- frammañ : gante e chom ar c'horf en e dalc'h.
- fiñval : ur c'henlabour zo etre an eskern, kigennoù ar skeledenn, ar stirennoù, ar stagelloù hag ar c'houbloù evit krouiñ fiñvadennoù.
- treuzkas ar son
- produiñ gwad : ar mel-askorn, en eskern hir, a brodu kelligoù ar gwad.
- stokañ danvezennoù meinel, dreist-holl kalkiom ha fosfor
- stokañ faktorioù kreskiñ
- stokañ druzoni
- kempouez trenkenn-bazenn
- digontammiñ
Danvez
Gant raz eo graet an eskern evit reiñ o c'haleter hag o fetister ken e c'hellint dougen pouez ar c'horf, ur pouez a c'hell bezañ kaset war un nebeut anezho evel eskern an treid pa ya an den pe al loen war e sav. Koulskoude ez eus ul lodenn gleuz e diabarzh an eskern e-lec'h ma emañ mel an eskern.
Troiennoù
- Gortoz an askorn (gortoz ma vo marv un den evit kaout e hêrezh, da skouer)
- Ober bleud gant eskern un den bennak (kalkennata pe gunujenniñ)
- Sac'h(ad)-eskern (dre skeudennadur evit an Den)
- Treut-eskern : bezañ treut evel ur c'havr
Sterioù all
Pep a elfenn galet a c'hell bezañ keñveriet ouzh askorn ar mellkeineged a vez graet askorn eus outañ : askorn kerez (kalonenn gerez) hag memestra evit ar frouezh all kalonennoù enno.