Doire (kêr)

• Ur pennad Doire zo ivez.

Restr:Derry mural.jpg

Murlivadur brudet, livet war harzoù ar Bogside, ur c'harter a-du gant ar vroadelourien.

Doire pe Doire Cholm Cille (Derry e saozneg, pe Londonderry) zo ur gêr vras e Hanternoz Iwerzhon, e kontelezh Doire. E saozneg e ra ar vroadelourien gant an anv Derry, pa ra an unanourien (ar re a-du gant ar Rouantelezh Unanet) gant an anv Londonderry.

Emañ ar gêr gozh war ribl kleiz ar stêr Feabhal ; bremañ en em astenn kêr en daou du d'ar stêr. Poblañs kêr hec'h-unan a oa 83 652 a dud e niveradeg 2001. En tolpad-kêrioù en em astenn war-hed 20 miltir (32 km) diouzh kreiz kêr ez eus ouzhpenn 200 000 den. Tost eo Doire da harzoù kontelezh Dún na nGall ha Republik Iwerzhon.

Kontañ a reer e oa bet savet kêr gant sant Koulmkell (Colm Cille), ur manac'h iwerzhonat eus ar VIvet kantved. An darvoudoù pouezusañ en istor ar gêr eo Seziz Doire e 1688-1689 hag ar Sulvezh Gwadek d'ar Sul 30 a viz Genver 1972, pa voe lazhet 13 manifester gant soudarded saoz.

Tud brudet

• Seamus Heaney, barzh saoznek
• John Hume, politikour
• Martin McGuinness, politikour