Coquet (stêr)

Ar stêr Coquet e Morwick Crag

Ar stêr Coquet (distaget [ˈkoʊkət] e saozneg) zo ur stêr eus hanternoz Bro-Saoz, a red dre gontelezh Northumberland hag en em daol e Mor an Hanternoz. Eieniñ a ra e Torgennoù Cheviot, redek war-zu ar reter a-hed 64 km hag en em deurel er mor e-kichen Amble, goude tremen hebiou kastell Warkworth.

An anv

Meneg a gaver eus ar stêr-se en Henamzer :

• Dizanv Ravenna 107₄₅ : Coccimeda / Cocuneda / Cocenneda

Hervez Rivet & Smith e vefe savet an anv-se gant an elfennoù *cocco- (= liv ruz) ha -veda (= doare). Talvezout a rafe an anv kement hag "ar stêr ruz", abalamour da boultr porfir a gaver e menezioù Cheviot.