Claude Auclair
| Reizh pe jener | paotr  |
|---|---|
| Bro ar geodedouriezh | Frañs |
| Anv e yezh-vamm an den | Claude Auclair |
| Anv-bihan | Claude |
| Anv-familh | Auclair |
| Deiziad ganedigezh | 1 Mae 1943 |
| Lec'h ganedigezh | La Barre-de-Monts |
| Deiziad ar marv | 20 Gen 1990 |
| Lec'h ar marv | Naoned |
| Yezhoù komzet pe skrivet | galleg |
| Micher | aozer bannoù-treset, environmentalist |
| Implijer | Casterman, Les Humanoïdes Associés, Le Lombard |
| Keveler er sport pe el labour | Alain Riondet |
| Oberenn heverk | Simon du Fleuve |
| Prizioù resevet | Prix Saint-Michel, Prix Saint-Michel |
| Statud e wirioù aozer | Oberennoù dezhe gwirioù aozer |
Claude Auclair (La Barre-de-Monts, 1añ a viz Mae 1943 - Naoned, [[20 a viz Genver] 1990) a oa un tresour hag ur senarioour bannoù-treset breizhat brudet er bloavezhioù 1970 ha 1980. E oberenn a denn d'ar skiant-faltazi goudeapokaliptek (Jason Muller, Simon du Fleuve), da Geltia (Bran Ruz), d'an ekologiezh ha d'ar minorelezhioù sevenadurel.
Buhez
[kemmañ | kemmañ ar vammenn]Goude bezañ tremenet e vugaleaj er Geunioù Brezhon e tiloj e dud da Naoned pa'z eo 10 vloaz. Studiañ a ra an arzoù-kaer e kêr an Duged ha mont a ra, goude, da veajiñ tro-dro ar mor Kreizdouar e 1967. Pa zistro ec'h addizolo ar bannoù-treset ha kregiñ a ra da embann e labour er c'helaouennoù. E 1970 ec'h embann an heuliad Jason Muller e-barzh Pilote, ar vandenn-dreset goudeapokaliptek kentañ, skrivet ar senario anezhi gant Jean Giraud evit an daou istor kentañ ha goude gant Pierre Christin. E 1971 e krou e Tintin La Saga du Grizzly, ur western a-du gant an Indianed, ha goude Les Naufragés d'Arroyoka gant Greg.
Ar bloaz goude e nac'h Goscinny kenderc'hel gant Jason Muller, ha Claude Auclair a ra evit Record "Catriona Mac Killigan", istor emsavadeg ar Skosiz a-enep Londrez (gant Jacques Acar). Aozañ a ra evit Tintin 6 albom eus e bennoberenn "Simon du Fleuve", un heuliad goudeapokaliptek ekologour hag a ra berzh e-mesk al lennerien. Jeu zo gant Lombard ha paouez a ra an heuliad e 1978. "Cité N.W n°3", 5vet albom "Simon du Fleuve", zo embannet e Tintin e 1978, ar vandenn-dreset diwezhañ senarizet gantañ e-unan.
Mont a ra e-barzh ar mizieg belgiat hollvrudet (À suivre) hag aozañ a ra un oberenn all, "Bran Ruz" (1978-1981, gant Alain Deschamps). E brezhoneg eo an titl orin, ha troet eo an albom e brezhoneg ivez. Kenderc'hel a ra gant ar bed keltiek gant Tuan Mac Cairill (1982, gant Deschamps), ha war-lerc'h gant ar sklaverezh e "Le Sang du flamboyant" (1984, gant François Migeat). Tresañ a ra e 1981 golo albom Alan Stivell Terre des vivants. Etre 1988 ha 1990 e ra gant Alain Riondet pevar istor nevez eus "Simon du Fleuve". E 1989 ec'h embann e-barzh (A SUIVRE) "Celui-là" gant ar memes senarioour, met mervel a ra d'an 20 a viz Genver 1990 diwar ur c'hleñved hir a-raok bezañ gouest da echuiñ an eil albom, ar pezh a zo graet gant Jacques Tardi ha Jean-Claude Mézières evit gallout kinnig anezhañ d'al lennerien.
E oberenn
[kemmañ | kemmañ ar vammenn]Un diaraoger eus ar skiant-faltazi goudeapokaliptek e voe Claude Auclair. An denelouriezh, difenn ar pobloù hag an ekologiezh zo e-kreiz e oberenn.