Brezel Gall hag Indian
| Rann eus | Brezel Seizh Vloaz, French and Indian Wars  |
|---|---|
| Lec'h | Norzhamerika |
| Deiziad kregiñ | 1754 |
| Deiziad echuiñ | 1763 |
| Efed | government debt |
Ar Brezel Gall hag Indian,[1] a oa bet ur brezel en Norzhamerika, adalek 1754 betek 1763, etre Rouantelezh Breizh-Veur ha Rouantelezh Bro-C'hall, harpet gant kevredidi amerindian. Dre-vras e vez an istorourien o lakaat ar brezel-se evel ul lodenn eus ar brezel ledanoc'h anvet Brezel Seizh Vloaz, eus 1756 betek 1763. Evit ul lod all ez eo ivez ul lodenn eus Brezel an tri-ugent vloaz. E Stadoù-Unanet Amerika eo disheñvel an traoù rak gwelet eo an aliesañ evel ur brezel dizalc'h diouzh an holl re all.
En un doare ofisiel e oa sañset bezañ peoc'h etre rouantelezhioù Breizh-Veur ha Bro-C'hall goude Feur-emglev Aachen sinet e 1748. E gwirionez e chome stegn an traoù evit ar c'henwerzh e Norzhamerika, hag ar gwashañ a oa bet an tabut evit Forks of the Ohio (kember div stêr hag a ya da stummañ an Ohio) hag ar c'hreñvlec'h gall nes Fort Duquesne. E Mae 1754 e oa bet Emgann Jumonville Glen, pa oa bet bezen Virginia renet gant George Washington o tagañ soudarded c'hall dre souezh.