Breudeuriezh Beleien Sant Pi X
Ar Vreudeuriezh Beleien Sant Pi X (latin : Fraternitas Sacerdotalis Sancti Pii X, FSSPX) zo ur vreudeuriezh katolik hengounelour anvet diwar ar pab Pi X hag a oa bet diazezet gant an arc'heskob Marcel Lefebvre (1905-1991) e 1970.
| Breudeuriezh Beleien Sant Pi X | |
|---|---|
| |
| Anvet hervez | Pi X |
| Diazezet | 1970 |
| Diazezer | Marcel Lefebvre |
| Sez | Menzingen, Suis |
| Izili | 1135 ezel |
| Lec'hiennoù web | |
| Lec'hienn Genrouedad | www.fsspx.org |
| Lec'hienn Genrouedad | www.fsspx.news |
| Lec'hienn Genrouedad | www.laportelatine.org |
Ar vrasañ breudeuriezh hengounelour eo, gant war-dro 700 beleg ha 3 eskob, ha kalz a vreudeuriezh hengounelour a zeu anezhi, evel ar vreuderiezh sant Pêr, hag ar gevredigezh sant Pi V.
Lidet e vez an oferennoù e latin ganto, hervez levr-oferenn 1962.
Istor[kemmañ | kemmañ ar vammenn]
Savet e voe a-enep ar sened-iliz Vatikan II hag an oferenn nevez, gant youl kloareien ar c'hloerdi pabel gallek deut da welout an Aotrou'n eskob Marcel Lefebvre. Savet e voe d'ar c'hentañ a viz Du 1970 evel un unaniezh deol (e latin: pia unio) gant an aotrou'n eskob François Charrière (1893-1976), eskob Geneva, Lausanne, ha Fribourg. E 1971, ar 24 c'hloareg kentañ a yeas war ar studi beleg en Écône e Suis.
Distoket e oa diouzh Roma abaoe sakr eskobel ar pevar eskob (Bernard Fellay, Bernard Tissier de Mallerais, Alfonso de Galarreta ha Richard Williamson, kaset kuit abaoe 2012) e 1988, hag an eskibien-se a voe eskumunuget gant ar pab Yann-Baol II. E 2009 e voent digastizet, hag abaoe an amzer-se n'eo ket sklaer a-walc'h petra eo stad kanonikel ar Vreudeuriezh.