Brehant-Loudieg

Ur pennad Brehant-Monkontour zo ivez.

Brehant-Loudieg
Mont tre abati Itron-Varia Dimadeg
Anv gallaouek	Berhaund-Lódeyac
Anv gallek (ofisiel)	Bréhan
Bro istorel	Bro-Sant-Brieg
Melestradurezh
Departamant	Mor-Bihan
Arondisamant	Pondi
Kanton	Roc'han (betek 2015) Gregam (abaoe 2015)
Kod kumun	56024
Kod post	56580
Maer Amzer gefridi	Jean Guillot 2020-2026
Etrekumuniezh	Pondi Kumuniezh
Bro velestradurel	Bro Pondi
Lec'hienn Web	(fr)Ti-kêr
Poblañsouriezh
Poblañs	2 298 ann. (2022)
Stankter	44 ann./km²
Douaroniezh
Daveennoù lec'hiañ	48° 03′ 42″ Norzh 2° 41′ 10″ Kornôg
Uhelderioù	kreiz-kêr : 96 m bihanañ 45 m — brasañ 158 m
Gorread	51,65 km²
Brehant-Loudieg

Brehant-Loudieg a zo ur gumun eus Breizh e kanton Gregam e departamant ar Mor-Bihan.

Douaroniezh

• 
  Ar ganol.

• Etre stêrioù Oud kanolet (ar ganol eus Naoned da Vrest) ha Lié emañ Brehant-Loudieg.

Anv

Stummoù skrivet

• Erwan Vallerie ː Brehant Lodoiac, 1269; Brechant Loudeac, 1330; Breant, 1424; Brehant Loudeac, 1453, 1516; Brehand-Loudéac, 1779

Gerdarzh

• Hervé Abalain ː anv-sant deut eus Bro-Gembre

Ardamezioù

En gul e deir mailhenn en aour

• mailhennoù familh Roc'han

Istor

• Ur barrez eus eskopti Sant-Brieg e oa Brehant-Loudieg.
• Aotroù al lec'h a oa an Dug a Roc'han.

XV^vet kantved

• E Brehant eo bet savet an ti-moullañ kentañ e Breizh, ken abred ha 1484.

Dispac'h Gall

• Melestradurezh: krouet e voe kumun Brehant-Loudieg e 1790. Gant al lezenn eus an 23 a viz Eost 1790 e voe lakaet da benn ur c'hanton, hini Brehant-Loudieg, gant pemp kumun ennañ: Brehant-Loudieg, Kerzhin, Roc’han, Sant-Gouvri ha Sant-Samzun; e Bann Josilin edo. Gant al lezenn eus an 8 pluviôse an IX (28 a viz Genver 1801), dezhi an titl loi portant réduction du nombre de justices de paix, e voe diskaret kanton Brehant-Loudieg ha lakaet Brehant-Loudieg e kanton Roc'han, bet krouet gant ar memes lezenn. Lakaet e oa bet Brehant-Loudieg en arondisamant Ploermael bet krouet e 1800.

XX^vet kantved

Brezel-bed kentañ

• Mervel a reas 103 gwaz eus ar gumun abalamour d'ar brezel, da lavaret eo 4,13 % eus he foblañs e 1911.

Eil brezel-bed

• Allio, maer ar gumun, a voe dilezet a-berzh-gwir e miz Gwengolo 1942 gant Renad Vichy.
• Ur manac'h rezistant eus an abati, bet harzet gant ar Gestapo, a varvas e kamp-bac'h Neuengamme en Alamagn d'an 3 a viz Genver 1945; ur paotr all eus ar Rezistañs hag ur c'houer a voe serret gant an Alamaned.
• Ur plac'h yaouank eus ar Rezistañs a voe kavet lazhet e miz Gouere 1944; soudarded jorjian eus al lu alaman o dije lazhet anezhi.
• Mervel a reas pevarzek den eus ar gumun abalamour d'ar brezel.

Monumantoù ha traoù heverk

• 
  An abati.

• Abati "Timadeug".
• Maner "La Touche".
• Maner "Ker-Morvan".
• Maner "Marn".
• Monumant ar re varv e-tal an iliz katolik, luc’hskeudenn ha kartenn-bost. E miz Here 1921 e voe dioueliet.

• 
  Ar c'halvar.

• Kalvar e koun Jean Mathurin Thomas (Tad Gwenael), manac'h ha rezistant.
• Plakenn ar re varv (1914-1918) en iliz katolik, luc’hskeudennoù.

Emdroadur ar boblañs abaoe 1962

Niver a annezidi

Tud

Tud marvet eno

• 1891: Goulven Morvan, skrivagner brezhonek, en abati Itron-Varia Dimadeg.

Ardamezeg ar familhoù

	Apuril, pe Avril, aotrounez Glécoët ha Coëtuhan	En argant e leon en sabel krabanet ha teodet en gul

Gevelliñ

bro	kêr	abaoe
Okitania	Pompòrt	1987
Bro-Saoz	Olveston	1996

Liammoù diavaez

• (br) Brehant-Loudieg war lec'hienn Geobreizh

Levrlennadur

• (fr)Hervé Abalain : Les noms de lieux bretons. Les Universels Gisserot. 2000
• (fr)J.B. Ogée : Dictionnaire historique et géographique de la province de Bretagne, dédié à la Nation bretonne. 1780
• (br)Erwan Vallerie : Diazezoù studi istorel an anvioù-parrez. Corpus. An Here. 1995