Boule de suif

Eus Wikipedia
Golo un embannadur eus Boule de Suif (1902)

Boule de suif ("Soavenn") zo un danevell c'hallek gant ar skrivagner gall Guy de Maupassant, skrivet e 1879 hag embannet e 1880. Da gentañ e oa bet lennet e miz Genver gant an oberour dirak e vignoned eus ar « groupe de Médan », ha goude embannet en dastumad danevelloù savet a-stroll hag anvet Les Soirées de Médan, e miz Ebrel 1880. Klenket e vez e-touez e zanevelloù a-zivout brezel 1870.

An danevell[kemmañ | kemmañ ar vammenn]

« Boule de suif […] zo ur bennoberenn », a skrive Gustave Flaubert(Daveoù a vank). Ne oa ket danevell gentañ Guy de Maupassant, met gant honnezh ez eo bet lakaet da vestr.

Brezel 1870 : dek den zo o tec'hel en ur c'harr-post eus kêr Rouen aloubet gant ar Brusianed. En o zouez ez eus ur c'hast anvet Élisabeth Rousset, lesanvet Boule de suif dre ma'z eo tev. En em reiñ a ra d'un ofiser evit saveteiñ ar re all, a ra fae warni koulskoude.

Goude berzh an danevell e voe pedet Maupassant gant Arthur Meyer, perc'henn ar gelaouenn Le Gaulois, da skrivañ danevelloù ha kronikoù. E-pad seizh vloaz eta e kasas e skridoù d'ar gelaouenn, sinet gant e anv.

Sinema[kemmañ | kemmañ ar vammenn]

Meur a filmaozer zo bet awenet gant an danevell, unan anezho o vezañ John Ford evit ar western Stagecoach e 1939[1].

Notennoù[kemmañ | kemmañ ar vammenn]

  1. Internet Movie Database ; La Chevauchée fantastique eo an titl gallek.