Bill Cosby
William Henry Cosby Jr., ganet d'an 12 a viz Gouhere 1937, zo un aktour, soner ha torfedour stadunanat. Cosby a zo bet rebechet dezhañ tagadennoù reizhel lies, ar re gentañ o vezañ bet degadoù a vloavezhioù 'zo. E-kreiz ar bloavezhioù 2010, un 60 bennak a vaouezed o devoa disklêriet e oant bet taget gantañ: gwallerezh, tagadennoù dindan dramm, gwallerezh bugale... Nac'hañ pep tra a ra an aktour. Darn eus an tagadennoù zo re gozh evit bezañ barnet. Goude ur varnadenn hir, Cosby zo bet kondaonet evit tri darvoud reizhel, d'an toull-bac'h e-pad tri betek dek vloaz e miz Gwengolo 2018. Bill Cosby a embann abaoe n'en deus morc'hed ebet hag e vefe prizoniad politikel evit e vennozhioù[1].
Dizenoriñ[kemmañ | kemmañ ar vammenn]
Tennet eo bet darn eus enorioù an aktour e-pad an afer ha goude ar varnadenn
- 2011: Enoret gant un Honorary Chief Petty Officer gant an US Navy. Tennet d'ar 4 a viz Kerzu 2014.
- 2009: Enoret gant ur Marian Anderson Award. Lamet d'an 3 a viz Mae 2018.
- 1998: Enoret gant ur C'hennedy Center Honor. Tennet d'ar 7 a viz Mae 2018.
- 2009: Enoret e-pad 12vet lid priz Mark Twain Prize for American Humor. Tennet d'ar 7 a viz Mae 2018.
- 2002: Enoret gant un TCA Career Achievement Award. Lamet d'ar 25 a viz Gwengolo 2018.