Bered an Norzh (Roazhon)

Bered an Norzh (Roazhon)

bered

Deiziad krouiñ	1789
Stad	Frañs
E tiriad	Roazhon
Daveennoù douaroniel	48°7′31″N 1°40′50″W
Deiziad digoradur ofisiel	1789
Statud gladel	e renabl hollek an herezh sevenadurel
Lec'hienn ofisiel	https://cimetieres.rennes.fr/accueil/patrimoine/cimetiere_du_nord/presentation_histoire

 

 From Wikidata

Bered an Norzh eo bered koshañ ha brasañ Roazhon. E karter Sant-Marzhin emañ, bali Gourmalon (Gros Malhon).

Istor

Urzhiañ a reas Breujoù Breizh krouiñ ur vered nevez evit kêr Roazhon e 1784. Dre ziviz an 18 a viz Ebrel 1789 e prenas ar gêr park an Estival digant menec'h Sant-Melani, war bord an hent da Sant-Gregor. Staliet e voe eno bered foran kentañ Roazhon, e-lec'h ar beredoù parrez liesseurt a oa e-kichen an ilizoù. E 1794 e voe graet an douaridigezh kentañ, ha kerkent ha 1824 e voe brasaet ar vered gant ar gêr.

Steuñv bered vras Roazhon hag an tachennoù da gaout evit brasaat ar vered (1826).

D'an 9 a viz Even 1866 e voe breutaet gant ar c'huzul-kêr diwar-benn ur raktres evit astenn ar vered adarre. P'edo e sell brasaat anezhi er c'hornôg e voe divizet en ober er su. Kempennet e voe en ul liorzh mod Bro-Saoz gant ar savour Adolphe Giraud e 1867. Ne cheñcho ket harzoù ar vered ken adalek ar bloaz-se.

Ul lodenn eus steuñv brasaat Bered an Norzh e Roazhon (1867).

E-pad bombezadeg an 29 a viz Mae 1943 e kouezhas warni 25 bombezenn da nebeutañ.

Hiziv en em astenn ar vered war 8-9 hektar. Kempennet a-zoare eo, gant kalz gwez brav (pin-mor, platan, sekoia, siprez, ivin). E 2014 he doa 14 000 plas e-barzh 16 rann. An niver a zouaridigezhioù graet enni a zo nes da 100 000.

Ar groaz veur, e-kreiz ar vered.

An nor vras

N'eus nemet un nor da vont e-barzh bered an Norzh, ur mell hini. E 1822 e oa bet goulennet digant an Naonedad Mathurin Crucy sevel anezhi gant ar maer Louis de Lorgeril. A-benn ar fin e voe savet gant ar parizian Charles Millardet, anvet tisavour ar gêr e miz Gwengolo 1828. E oberenn gentañ e Roazhon e voe.

Ur savadur ront eo, a c'hiz nevezklasel, hag ober a ra evit ur mell digor, ur marvgav hag ur chapel-gañv war un dro. E tu ar vered eo digor ar chapel gant ur golonenneg toskanat gant fustoù e kersantit. E tu ar vali Gourmalon ez eus ur voger e maen-raz gant ur c'hustod, un delwenn an esperañs ennañ graet gant an Naonedad Jean-Baptiste Barré.

• 
  Dor vras ar vered, tu ar gêr.
• 
  Delwenn an esperañs gant Jean-Baptiste Barré.
• 
  Dor vras, tu ar vered.

Tud brudet douaret

Savourien

• Jean-Baptiste Martenot, tisavour e kêr Roazhon : rann 1, renk 24, bez 11.
• Jacques Mellet (1807-1876) hag e vab, Henri Mellet (1852-1926) : rann 10.
• Arthur Regnault (1839-1932) : rann 1, renk 57, bez 41.

• 
  Bez Jean-Baptiste Martenot.
• 
  Bez Jacques hag Henri Mellet.
• 
  Bez Arthur Regnault.

Kloer

• Prosper-Mathurin Brécha (1814-1863), diazezer skolaj Sant-Visant : rann 1, renk 12, bez 17.
• Marie-Joseph Brune (1807-1890), chaloni titlet en Iliz-veur Roazhon, savour hag istorour an arz, ezel diazezer eus Kevredigezh arkeologel hag istorel Il-ha-Gwilen : rann 8, renk 22, bez 18.
• Jean-François Huet (1884-1930), aluzener ar studierien hag an Ostel-Doue: rann 14, renk 20, bez 24.
• Joseph Janvier, diazezer patronaj an Tour d'Auvergne : rann 10, renk 10, bez 5.
• beleien Sant-Albin kinklet o bez gant un izelvos hag a skeudenn ar gouestl arc'hant da Itron-Varia-ar-C'heloù-Mat : rann 1, renk 20, bez 8.
• Joseph Thébault (1801-1860), person dean iliz Sant-Salver Roazhon ha chaloni a enor : rann 1, renk 11, bez 1, ("bez e stouvoù").
• Félix Trochu (1841-1910), diazezer L'Ouest-Éclair, adanvet Ouest-France e miz Eost 1944 : rann 8, renk 9, bez 20.
• Joseph Turmel (1859-1943), istorour an dogmoù ha soñjer dieub : rann 9, renk 4, bez 22.

• 
  Bez ar chaloni Brune.
• 
  Bez beleien Sant-Albin.
• 
  Bez an aotrou Trochu.
• 
  Bez an aotrou Turmel.

Istorourien

• Paul Banéat (1856-1942), istorour ha mirour mirdi arkeologel Il-ha-Gwilen : rann 5, renk 12, bez 29.
• Louis Arthur Le Moyne de la Borderie (1827-1901), istorour war Istor Breizh, ezel diazezer eus Kevredigezh arkeologel hag istorel Il-ha-Gwilen ha diazezer istoriografiezh Breizh : rann 5, renk 12, bez 25.
• Lucien Decombe (1834-1905), arkeologour ha mirour mirdi arkeologel Roazhon : rann 6, renk 22, bez 34.
• Adolphe Orain (1834-1918), istorour ha folklorour : rann 8, renk 9, bez 31.
• Barthélémy Pocquet du Haut-Jussé (1891-1988), istorour : rann 7, renk 45, bez 7.

• 
  Bez Paul Banéat.
• 
  Bez Arthur de la Borderie.
• 
  Bez Adolphe Orain.

Skolveuridi

• Claude Champaud, (1929-2019), gwirour, prezidant kentañ skol-veur Roazhon I, kuzulier-kêr.

Kazetennerien

• François Régis Hutin, (1929-2017), rener meur Ouest-France : rann 3, renk 34, bez 10.

Skiantourien

• Faustino Malaguti, (1802-1878) kimiour : rann 15, renk 42, bez 1.

Politikourien

• Yvon Bourges, (1921-2009) : prezidant Rannvro Breizh, rann 3, renk 27, bez 5. Emañ e chapel familh e wreg, ar re Duboscq-Fontaine.

Maered Roazhon

• Eugène Pinault, (1834-1913) : rann 16, renk 51, bez 4.
• Emmanuel Pongérard, (1794-1876)
• Edgar Le Bastard, (1836-1891) : rann 4, renk 10, bez 3.
• Jean Leperdit, (1752-1823) : rann 1, renk 15, bez 8.
• Pierre Martin, (1816-1894) : rann 5, renk 12, bez 2.

• 
  Bez Edgar Le Bastard.
• 
  Bez Jean Leperdit.

Arzourien

• Pierre Galle (1883-1960), livour, kelenner, mirour, kentañ bez a-gleiz en ur vont tre.
• Jean-Baptiste Barré (1804-1877), kizeller ha livour : rann 1, renk 20, bez 9.
• Adolphe Léofanti (1838-1890), kizeller : rann 10, renk 17, bez 1.
• Philippe Pascal (1956-2019), kaner (strollad Marquis de Sade)

• 
  Bez Jean-Baptiste Barré.
• 
  Bez Adolphe Léofanti.

Artizaned ha embregerien

• Isidore Odorico (1893-1945), mozaiker : rann 8, renk 5, bez 41.

• 
  Bez Odorico.