Berdan (fuzuilh)
| Fuzuilh Berdan | |
|---|---|
 Pevar adstumm ar fuzuilh Berdan II (eus an nec'h d'an traoñ) : Troadegiezh, Dragon, Kozak ha Karabinenn. | |
| Kinnig | |
| Bro |  Stadoù-Unanet Amerika Impalaeriezh rusian
|
| Doare | Fuzuilh |
| Mont en-dro | Tennata dre zorn, dre vorailh |
| Munisionoù | 10,75 × 58 mm R 7,62 × 54 mm R |
| Ijiner | Hiram Berdan |
| Bloavezh krouidigezh | 1868 (Berdan I) 1870 (Berdan II) |
| Produerien | Colt (Berdan I) Arsanailhoù Toula, Ijevsk ha Sestroretsk (Berdan II) |
| Mare produiñ | 1868 - 1891 |
| Skouerennoù produet | War-dro 3.000.000 |
| Perzhioù teknikel Stumm troadegiezh | |
| Mas | 4,200 kg (hep baionetez) |
| Hirder | 1.300 mm |
| Hirder ar c'hanol | 830 mm |
| Hed-tenn efedus | War-dro 280 m |
| Tizh mont e-maez ar boledoù | 437 m/s |
| Lezenn | |
| Rummad e Bro-C'hall | D |
Ar Berdan zo ur rummad fuzuilhoù un-tenn ijinet gant ar Stadunanad Hiram Berdan e 1868. Arm standart arme Impalaeriezh Rusia e voe etre 1870 ha 1891, pa voe kemeret he flas gant ar Mosin-Nagant. Implijout a rae kartouchennoù metalek, ar pezh a oa un nevezenti d'ar poent-se hag a zeuas da vezañ boutin adalek eil kard an XIXvet kantved er braz eus an armeoù.
Stummoù
[kemmañ | kemmañ ar vammenn]Berdan I
[kemmañ | kemmañ ar vammenn]Ar stumm kentañ eus ar Berdan, anvet ivez Model 1868, a oa dezhañ ur gulasenn trapdoor. Produet e voe un 30.000 skouerenn bennak anezhañ gant an embregerezh Colt er Stadoù-Unanet. Kambret e oa evit kartouchennoù 10,75 × 58 mm R, ijinet gant Berdan asambles gant ar c'horonal rusian Aleksandr Gorlov.
Berdan II
[kemmañ | kemmañ ar vammenn]E 1870, daou vloaz goude ar stumm kentañ, un eil stumm eus ar fuzuilh, dezhañ ar memes munision met gant ur sistem kulasenn dre vorailh un tamm disheñvel[1], a grogas da vezañ produet e arsanailhoù e Rusia. Tri adstumm berroc'h anezhañ a voe ouzhpenn ar stumm troadegiezh : unan skañvoc'h evit an dragoned, unan hep pontig evit ar Gozaked hag ur garabinenn evit ar marc'hegerezh. War-dro 3.000.000 a skouerennoù anezhe a voe produet en holl.
Implij
[kemmañ | kemmañ ar vammenn]Goude donedigezh ar Mosin-Nagant en arme rusian e voe adkambret un nebeud fuzuilhoù Berdan evit ar munision 7,62 × 54 mm R nevez. An arm a voe implijet gant broioù all, en o zouez Rouantelezh Bulgaria, Impalaeriezh Etiopia, Korea, Priñselezh Montenegro ha Rouantelezh Serbia. 5.760 Berdan II a voe prenet gant Bro-C'hall da vare ar brezel a-enep Prusia e 1870-1871[2].
Er sevenadur
[kemmañ | kemmañ ar vammenn]Ar fuzuilhoù Berdan a c'haller implijout er c'hoarioù video Battlefield: 1918, Civilization V, World of Guns: Gun Disassembly hag Enlisted[3].
Daveennoù
[kemmañ | kemmañ ar vammenn]- ↑ (fr) Fusil de dragon Berdan n°2 Mle 1870, war Arme et Passion (lennet d'ar 17/08/2025)
- ↑ (fr) HUON Jean, Les armes françaises en 1870-1871, Crépin-Leblond, 2007, 48 p., ISBN 978-2703003090
- ↑ (en) Berdan Rifle, IMFDB (lennet d'ar 16/08/2025)
