Berchtesgaden

Berchtesgaden zo ur gêr e Alpoù Bavaria, en Alamagn. War-hed 180 km er gevred da Vünchen emañ, ha war-hed un 20 kilometr bennak er su da Salzburg (Aostria). 7 697 annezad a oa e 2024. Ur greizenn ski eo. Ul lodenn vihan eus Park Broadel Berchtesgaden zo er gumun.

Istor

Brudet eo Berchtesgaden evit bezañ bet lec'h-bevañ Adolf Hitler adalek ar bloavezhioù 1930. Hemañ a gasas kalz amzer er Berghof, e annez e karter Obersalzberg. Ar c'hKehlsteinhaus, un ti e krec'h ur menez savet evit an nazied ha lesanvet « neizh an erer », a oa nepell. D'ar 25 a viz Ebrel 1945 e voe distrujet kalz savadurioù eus Berchtesgaden en ur vombezadeg gant 275 nijerez Lancaster eus ar Royal Air Force. Tapet e voe ar gêr d'ar 4 a viz Mae war-lerc'h gant soudarded eus an 3e rannarme troadegiezh stadunanat hag an Eil rannarme hobregonet gall.

• Skeudennoù
• 
  An iliz Sant Bartholomä e Königssee.
• 
  An Obersee e penn ar c'hKönigssee, gant e lamm-dour.
• 
  Ar c'hKönigssee.
• 
  Ar c'hKehlsteinhaus.
• 
  An abati kozh.
• 
  Kêriadenn Maria Gern hag hec'h iliz eus an XVIIIvet kantved.
• 
  Iliz Sant-Per-ha-Sant-Yann-Vadezour.

Liamm diavaez

• (de) Lec'hienn ofisiel