Atlas Linguistique et Ethnographique de la Bretagne Romane, de l'Anjou et du Maine

Eus Wikipedia
Sauter à la navigation Sauter à la recherche

An Atlas linguistique et ethnographique de la Bretagne Romane, de l’Anjou et du Maine (anavezet ivez evel ALBRAM) zo un atlas yezhoniel, un dastumad kartennoù a ziskouez penaos e kemm ar parlantoù hag ar rannyezhoù romanek eus an eil lec'h d'egile, e Breizh-Uhel, en Anjev hag e Maine.

Savet eo bet al labour-se gant Gabriel Guillaume, Jean-Paul Chauveau ha Renée Lagrange-Barreteau. Ouzhpenn 5000 goulenn o deus savet e 125 lec'h enklask disheñvel. Div levrenn zo deuet er-maez :

  • levrenn I : "la flore" (ar plant), kartennoù 1-280 ; embannet e 1975 gant ar CNRS (peurwerzhet)
  • levrenn II : "la flore, la terre, le temps, la maison" (ar plant, an douar, an amzer, an ti), kartennoù 281-592 ; embannet e 1983 gant ar CNRS (peurwerzhet)

Div levrenn all a vefe da zont er-maez c'hoazh, al levrenn III (ar binvioù, ar boued, an dilhad) hag al levrenn IV (al loened, ar c'horf hag ar spered, an dud).