Arme Vroadel Dispac'hel (Sina)
| Deiziad krouiñ | 16 Mezheven 1924  |
|---|---|
| Lealded | Kuomintang |
| Perzhiad e | Battle of Tōzan |
| Bro | Republik Sina (1912-1949) |
| Sez sokial | Nanjing |
| Bet erlec'hiet gant | nerzhioù lu Republik Sina |
| Deiziad divodañ | 24 Kerzu 1947 |
| Renet gant | Tchang Kai-chek |
Al Lu Broadel Dispac'hel (LBD; 國民革命軍), berraet raloc'h en Lu Dispac'hel (革命軍) a-raok 1928, ha graet Lu Broadel (國軍) anezhañ goude 1928, a oa skourr armet ar C'huomintang (KMT, pe Strollad Broadelour Sinaat) etre 1925 ha 1947 e Sina, e-kerzh ar marevezh republikan. Deuet e oa da vezañ lu ofisiel e mare ar C'huomintang gant ren ar strollad kroget e 1928. Adanvet e oa bet Nerzhioù Lu Republik Sina goude Bonreizh 1947, hag a lakaas da dalvezout mestroniñ an drevourien war an arme.
Aozet e voe da gentañ gant sikour Soviediz evit unvaniñ Sina dindan ren ar C'huomintang e-kerzh marevezh ar Mistri brezel. Al Lu Broadel Dispac'hel en doa stourmet e meur a emgann e-kerzh Ergerzhadenn an Norzh a-enep lu sinaat mistri brezel Beiyang, e-kerzh an Eil brezel etre Sina ha Japan (1937–1945) a-enep nerzhioù Lu Impalaeriezh Japan, ha goude-se e-kerzh Brezel diabarzh Sina, a-enep Arme Dieubidigezh Pobl Sina.