Arme Spagn
| Rann eus | nerzhioù lu Spagn  |
|---|---|
| Deiziad krouiñ | 15. century |
| Den e penn an aozadur | Chief of Staff of the Army |
| Stad | Spagn |
| Lec'h | Palacio de Buenavista |
| Isaozadur | Spanish Legion |
| Lec'hienn ofisiel | http://www.ejercito.mde.es |
| Item operated | Searcher IIIJ |
| Order of battle | Order of battle of the Spanish Army in 1989 |
Tirlu Spagn (spagnoleg : Ejército de Tierra, brezhoneg : arme-zouar) eo skourr tirlu nerzhioù lu Spagn, kefridiet gant oberiadurioù milourel war zouar. Bez eo unan eus an armeoù koshañ er bed, ken kozh hag ar XVvet kantved.
An arme spagnol a zo bet oberiant abaoe ren ar rouaned katolik Fernando II hag Izabel Iañ (fin ar XVvet kantved). Koshañ skourr nerzhioù lu Spagn eo, ha karget eo da zifenn al lodenn eus al ledenez iberek dindan he dalc'h, Balearez, Kanariez, Melilla, Ceuta hag inizi spagnol norzh Afrika.
Istor
[kemmañ | kemmañ ar vammenn]
E-kerzh ar XVIvet kantved, Spagn an Habsbourged a oa aet war greñvaat a-fed galloud milourel. Brezelioù Italia (1494–1559) a oa disoc'het gant trec'h Bro-Spagn, ha deuet e oa da vezañ mestr war tiriadoù pouezus en Italia evel Dugelezh Milano ha Rouantelezh Naplez. E-kerzh ar brezel, an arme spagnol a oa bet adaozet ha kemmet e oa bet ivez an taktikoù brezel. Troet e oa eus un armead pikoù hag halabardennoù en ul lu dafaret gant akebutoù ha pikoù. A-hed ar XVIvet kantved, al lu-se a oa deuet da vezañ unvezioù troadegiezh tercio.
Arc'hantaouet a-vil-vern gant an trevadennerezh Amerika[1], Bro-Spagn he doa gallet ober brezel d'e enebourien, evel stourm hir Emsavadeg an zelvroioù (1568–1609), gwareziñ kristenien Europa diouzh aloubadegoù ha preizhadennoù an Impalaeriezh Otoman, reiñ harp d'ar gatoliked e-kerzh brezelioù relijion Bro-C'hall ha stourm a-enep Rouantelezh Bro-Saoz e-pad ar brezel etre Spagn ha Bro-Saoz (1585–1604). An tirlu spagnol a voe brasaet a-fed ment o tremen eus un 20 000 soudard bennak er bloavezhioù 1470 betek 300 000 soudard bennak er bloavezhioù 1630 e-kerzh ar Brezel Tregont Vloaz hag a oa bet unan start en Europa, hag a c'houlenne kalz muioc'h a soudarded ledet war talbennoù lies en Europa[2]. Gant kement a soudarded engouestlet, e oa diaes da Spagn arc'hantaouiñ kement a rannluioù war kement-se a dalbennoù. An diaesterioù goprañ a oa bet abeg da vutinerezhioù ha darvoudoù evel Preizhadeg Antwerpen (1576), ma voe lazhet 17 000 den[3].