Arm eneptank
Brezel enep-tank a vez graet eus hollad kadoniezhoù, taktikoù hag armoù savet evit talañ pe distruj ar c'harrbedoù hobregonet enebour, dreist-holl an tankoù. Ganet eo an doare brezel-se e-kerzh ar C'hentañ Brezel-bed pa oa bet implijet an tankoù e 1916, hag e oant deuet buan da vezañ un diazez er brezel war zouar. Gant an amzer o redek, ar brezel enep-tank a zo troet eus unan a-dost d'unan a-bell gant armoù lies, eus armoù da vannañ pe stagañ gant dorn an droadeien ha kanolioù eneptankoù betek misiloù sturiet ha munisionoù bannet diouzh an oabl. Pal pennañ ar brezel eneptank eo da dalañ ouzh nerzh ar brezel hobregonet.
Ar stourm enep-tankoù en deus kemmet buan e-kerzh an Eil Brezel-bed, o tegas e-leizh a armoù da zougen gant an droadegiezh.
A-hed ar Brezel yen eus 1947 betek 1991, Stadoù-Unanet Amerika hag URSS, gant o harperien, o doa o labouret kreñv evit sevel ha gwellaat an armoù eneptank.
Abaoe fin ar Brezel yen ez eus deuet riskloù nevez war-wel evit an tankoù pe karbedoù hobregonet all, evel an Ardivinkoù-Tarzh Primaozet.
E-kerzh Aloubadeg Ukraina gant Rusia, an Dronoù ha munisionoù roder a zo bet o kemer muioc'h-muiañ a blas en armoù ha strategiezhoù eneptankoù.
