Anna Mouradova
| Reizh pe jener | plac'h  |
|---|---|
| Bro ar geodedouriezh | Rusia |
| Anv e yezh-vamm an den | Анна Романовна Мурадова |
| Anv-bihan | Anna |
| Deiziad ganedigezh | 12 Kzu 1972 |
| Lec'h ganedigezh | Moskov |
| Yezhoù komzet pe skrivet | brezhoneg, rusianeg |
| Yezh implijet dre skrid | rusianeg |
| Micher | troer, skrivagner |
| Implijer | Institute of Linguistics of the Russian Academy of Sciences |
| Bet war ar studi e | Moscow State Linguistic University, Skol-veur Breizh-Uhel |
| Diplom skol-veur | candidate of philology |
| Rener tezenn | Viktor Kalygin |
| Prizioù resevet | Urzh an Erminig |
Anna Mouradova, bet ganet А́нна Рома́новна Мура́дова Ánna Románovna Mourádova d’an 12 a viz Kerzu 1972 e Moskov, Rusia, zo ur yezhoniourez, ur skrivagnerez hag ur gazetennerez. Treiñ a ra romantoù ha danevelloù e brezhoneg hag e rusianeg.
Buhez
[kemmañ | kemmañ ar vammenn]Goude ma veze komzet rusianeg er gêr, he deus desket ivez yezh he zad, an arameeg pe sirieg, hag a vez komzet en Iran, Irak, Siria, ha broioù ar C'haokaz, hag e kreisteiz Rusia, e troas he spered ouzh meur a yezh. Deuet e oa he zud eus Iran da Jorjia[1] e dibenn an XIXvet kantved.
Desket he deus galleg ha saozneg er skol, ha latin ivez evit he flijadur.
Pa voe pemzek vloaz, dre ma oa dedennet Anna gant ar yezhoù keltiek he doa dibabet deskiñ brezhoneg hec’h-unan gant levrioù roet gant Viktor Kalygin, un enklasker war an iwerzhoneg. Dezhañ en doe lavaret e intente bezañ an hini gentañ o komz brezhoneg e Moskov[2]. Da naontek vloaz e oa aet Anna da Roazhon da zeskiñ donoc’h ar brezhoneg. O chom e oa e Breizh etre 1992 ha 1994. Plijout a ra ar yezhoù dezhi, ar re geltiek en o zouez, p'he deus desket ivez iwerzhoneg kozh, gresianeg kozh ha kerneveureg.
Eus 2001 da 2018 he voe gopret evit ober enklaskoù war ar brezhoneg e Skol Uhel ar Yezhoniezh e Moskov. Kelenn e reas ar galleg er MGIMO[3] ivez.
Aet e oa-hi da chom da Jorjia, da Tbilisi, e 2009 evit bezañ tost ouzh he c'herent-nes a oa deuet di. Kendalc'het he deus gant an ensklaskoù yezh e Skol-Veur Shota Rustaveli e Tbilisi.
E 2023 e lenner emañ en arvar da vout skarzhet kuit da Rusia.[4]
Studioù
[kemmañ | kemmañ ar vammenn]E Skol-Veur MGLU, ur skol-veur da zeskiñ alamaneg, galleg hag all, e studias Anna etre 1990 ha 1992. Da c’houde eo bet e Skol-Veur Roazhon etre 1992 ha 1994, a-drugarez d'ur yalc'had-studi debarzhet gant Skol-Uhel ar Vro. Distreiñ a reas da skol-veur MGLU etre 1994 ha 1997. Etre 1997 ha 2002 e savas un dezenn war yezh kontadennoù ar Vretoned.
Oberennoù
[kemmañ | kemmañ ar vammenn]Savet he deus danevelloù evit Al Liamm. Troet he deus e brezhoneg romantoù ha danevelloù evit brudañ ar skrivagnerien rusianek e metoù ar vrezhonegerien : Anton Tchec'hov, Viktor Astafiev, Vladimir Tendriakov, Rezo Gabriadze (ur Jorjian anezhañ) ha Nikolai Gogol[5]. Lakaet he doe da embann ul levr kontadennoù brezhonek troet e rusianeg ganti.
Troidigezhioù
[kemmañ | kemmañ ar vammenn]- Diwar ar rusianeg etrezek ar brezhoneg
- Rezo Gabriadze, Koutaisi, Embannadurioù Hor Yezh, 1994
- Viktor Astafiev Ludotchka (peder danevell), Skrid, 1998.
- Vladimir Tendriakov, Parania, Skrid, 1998.
- Nikolai Gogol, Ar fri, An Alarc'h, 2023.
- Diwar ar brezhoneg etrezek ar rusianeg
- Un teskad kontadennoù hengounel
Savet ganti
[kemmañ | kemmañ ar vammenn]- Un dornad kraoñ-kelvez, Mouladurioù Hor Yezh, 1998 (ISBN 2-86863-109-6)
- Kudennoù an treiñ diwar ar rusianeg e brezhoneg, Barn, Mouladurioù Hor Yezh, 1999 (ISBN 2-86863-116-9)
Prizioù
[kemmañ | kemmañ ar vammenn]- Priz Imram 1998
- Kolier an Erminig 2020
Levrlennadur
[kemmañ | kemmañ ar vammenn]- Un emgalv gant Anna Mouradova,Ya !, niv. 810, 18 a viz Kerzu 2020.
- GOV (AR) Y. Y., Anna Mouradova e dañjer, Ya !, 10 a viz Mae 2023.
Notennoù ha daveennoù
[kemmañ | kemmañ ar vammenn]- ↑ "Bro-Jeorji" e-barzh un diviz embannet e 2020.
- ↑ Céline Martin, le danger plane sur Anna Mouradova, la plus bretonne des Russes. E-barzh Ouest-France, 21 Ebrel 2023.
- ↑ Skol Uhel an Darempredoù etrebroadel, Moskov.
- ↑ Ouest-France, 05/04/2023
- ↑ Agence Bretagne Presse, 10 Ebrel 2023.