An emgann evit Sevastopol
| An emgann evit Sevastopol | |
| Filmdata | |
|---|---|
| Titl orin | Битва за Севастополь Bitva za Sevastopol |
| Bro produiñ |  Rusia Ukraina
|
| Deuet er-maez | 12 a viz Ebrel 2015 (Rusia hag Ukraina) |
| Yezh orin | rusianeg |
| Padelezh (PAL-DVD) : | 122 munutenn |
| Skigner | 20th Century Fox |
| Pare | |
| Filmaozer | Sergei Mokritski |
| Produer | Natalia Mokritskaya Iegor Olesov |
| Sonerezh | Ievgeniy Galperin |
| Aktourien | |
|
Ioulia Peresild | |
kemmañ  |
|
An emgann evit Sevastopol («Битва за Севастополь» e rusianeg, doare romanekaet : Bitva za Sevastopol) a zo ur film brezel rusian hag ukrainat sevenet e 2015 gant Sergei Mokritski, diwar-benn Lioudmila Pavlintchenko (1916–1974), ur dennerez-spieg soviedel brudet hag a zo bet un harozez eus an Eil Brezel-bed war talbenn ar Reter.
Kontañ a ra ar film ar roll dibar a c'hoarias Pavlitchenko e-pad seziz Odesa ha seziz Sevastopol e 1941-1942, pa oa an Arme Ruz o klask talañ ouzh an Trede Reich a oa oc'h aloubiñ an Unaniezh Soviedel. Daoust da vezañ un dennerez hep he far e voe gloazet met kenderc'hel a reas da stourm en ur mod all, war dachenn an diplomatiezh. Ar c'heodedour soviedel kentañ eo a voe degemeret en Ti Gwenn, e Washington, gant ar c'houblad Roosevelt.
Ur produadur rusian hag ukrainat eo ar film, ha c'hoariet eo roll Pavlitchenko gant an aktourez rusian Ioulia Peresild. C'hoarvezout a reas kentaenn ar film e Gouel Filmoù Etrebroadel Beijing e miz Ebrel 2015, aet priz an aktourez wellañ ganti, ha bannet e voe ar film e Gouel Canas ivez.[1]
Troet e voe ar film e Sevastopol (Krimea), Kyiv, Odesa ha Kamianets-Podilskyi.
Aktourien
[kemmañ | kemmañ ar vammenn]- Ioulia Peressild : Lioudmila Pavlitchenko
- Ievgueni Tsyganov : Leonid Kitsenko
- Joan Blackham : Eleanor Roosevelt
- Anatoli Kot : Nikolai
- Oleg Vasilkov : Makarov
- Nikita Tarasov : Boris Tchopak
- Stanislav Boklan : tad Lioudmila
Prizioù
[kemmañ | kemmañ ar vammenn]- Priz ar gwellañ aktourez e Gouel Filmoù Etrebroadel Beijing e 2015
- Erered aour 2016 : gwellañ aktourez da Ioulia Peresild ha gwellañ luc'hskeudennerezh (an Erered aour eo ar prizioù roet bep bloaz gant Akademiezh Rusia ar skiantoù hag an arzoù sinematografek).
Arc'hant
[kemmañ | kemmañ ar vammenn]Gounit a reas ar film 435 468 256 roubl ($8 702 274) e Rusia, e-keñver ur budjed a 124 000 000 roubl, neuze e reas tro-vat ar film[2].
Daveoù
[kemmañ | kemmañ ar vammenn]- ↑ (en) 'Battle for Sevastopol' sold into Asia
- ↑ (ru) Битва за Севастополь, 2015 e kinopoisk.ru