Aloubadeg Manchouria gant Japan
| Rann eus | Brezel Sina ha Japan  |
|---|---|
| Lec'h | Inner Manchuria |
| Deiziad | 18 Gwe 1931 |
| Deiziad kregiñ | 18 Gwe 1931 |
| Deiziad echuiñ | 27 C'hwe 1932 |
| Perzhiad | Impalaeriezh Japan, Republik Sina (1912-1949), Lu Impalaeriezh Japan, Lu Broadel Dispac'hel |
| Abeg kentizh | Mukden incident |
Arme Kantōgun eus Impalaeriezh Japan a oa bet oc'h aloubiñ rannvro Manchouria e Republik Sina d'an 18 a viz Gwengolo 1931, dres goude Darvoud Mukden[1], un obererezh false flag sevenet gant soudarded eus Japan evit kaout un digarez da dagañ. E fin ar brezel e miz C'hwevrer 1932, Japaniz o doa lakaet sevel ar stad vargodenn anvet Mandchoukouo.
Padet e oa an dalc'herezh betek kreiz miz Eost 1945, nebeut amzer a-raok fin an Eil Brezel-bed, pa oa bet aloubet ar rannvro gant an Unvaniezh Soviedel ha Mongolia e-pad Aloubadeg soviedel Manchouria. Dre ma oa bet sachet evezh ur bern broioù gant an aloubadeg japanat, Kevredigezh ar Broadoù a oa bet o sevel Bodad Lytton (renet gant ar politikour saoz Victor Bulwer-Lytton) evit kompren gwelloc'h ar bec'h, ha savet e oa bet gant ar bodad un dezrevell rentet e miz Here 1932. Kinniget e oa bet gant ar bodad ar pezh o devoa kavet, lavaret o doa e oa arabat anavezout en un doare ofisiel ar stad vargodenn Mandchoukouo, ha goulennet ma vije rentet ar rannvro da Sina. Ur wech embannet an disoc'hoù e oa bet gouarnamant Japan o vont kuit eus ar C'hevredad.