Agnès de Jésus

Eus Wikipedia

Agnès Galand, Agnès de Jésus hec'h anv en urzh, anvet ivez Agnès de Langeac (Le Puy-en-Velay 1602 - 1634), oa ul leanez c'hall dominikan brudet evit he madelezh hag he vertuzioù.

Buhez[kemmañ | kemmañ ar vammenn]

Merc'h Pierre Galand, konteller, ha Guillemette Massiote oa. An drede eus seizh bugel, ganet eo bet Agnès d'ar 17 a viz Du 1602 er Puy-en-Velay.

Lavaret e vez e tivizas en em reiñ d'ar Werc'hez Vari da seizh vloaz.

Abalamour d'he deoliezh e voe aotreet da gomuniañ da eizh vloaz.

Kustum oa da reiñ an aluzon d'ar beorien a gave war he hent. Bodañ a rae he mignonezed evit studiañ kelennadurezh an iliz Katolik ha pediñ.

Staliet e oa Urzh ar vreudeur prezegerien er Puy-en-Velay abaoe an XIIIvet kantved. Iliz o c'houent a oa tost d'he zi. Unan eus ar vreudeur an Tad Panassière a voe he rener a goustiañs. Degemeret e voe en trede urzh dominikan e miz Ebrel 1621.

E 1623 e kuita ar Puy-en Velay evit mont da gouent Langeac, nevez krouet dindan paeroniezh Katelin Siena.

D'an 2 a viz C'hwevrer 1625 e reas he gouestladur. Dilennet e voe priolez e 1627.

Kuzuliañ a reas Jean-Jacques Olier, diazezer Kompagnunezh Beleien Sant Sulpis.

Mont a reas da Anaon d'an 19 a viz Here 1634.

Gwenvidigezh[kemmañ | kemmañ ar vammenn]

Lakaet eo bet war roll ar wenvidien d'an 20 a viz Du 1994 gant ar Pab Yann-Baol II.

Levrlennadur[kemmañ | kemmañ ar vammenn]

  • Agnès de Langeac : Le souci de la vie en ses commencements - Jean-Claude Sagne, Bernard Montagnes, Olivier-Thomas Venard, Martin de Framon - (édition du Cerf)
  • Mémoires sur la vie d’Agnès de Langeac - Esprit Panassière, o.p., kofesour Agnès - Embannet didan renerezhde B. Peyrous ha J.-Cl. Sagne, o.p. Cerf 1994.
  • Agnès de Langeac, moniale dominicaine, mère spirituelle de Jean-Jacques Olier - 1602-1634 - Sœur Marie de la Trinité - Eil embanndur - Langeac 2001.
  • Grand Mémoire sur Agnès de Langeac - Arnaud Boyre - Arfuyen 2004.
  • Agnès de Langeac - René de Tryon - 1994.
  • Vie de la Bienheureuse Agnès de Langeac Charles Louis de Lantages pss - Cerf 2011