Abgar IX
Abgar IX Severus pe Lucius Aelius Septimus Megas Abgar IX a oa roue Osroene, koazhet d'un dachenn strizh en-dro da gêr Edessa.
Abgar a zeuas da vout roue goude e dad, Abgar VIII e 212. E 213 e voe roet urzh da Abgar IX ha d'e vab da zont da Roma ha muntret e voent war urzh Caracalla[1]. Bloaz goude e stagas Caracalla rouantelezh Osroene ouzh an Impalaeriezh roman, evel un drevadenn da broviñs roman Mezopotamia[2].
Hervez Henri-Irénée Marrou, Abgar a vefe bet gounezet d'ar gristeniezh hag a reas eus e Stad, ar vro gristen kentañ[3].
Daou vab en doa: Severus Abgar X, ha Antoninus Ma'Nu IX