Abdallah

Abdallah, Abdoullah pe c'hoazh Abdellah ( عبد الله en arabeg) zo un anv divoutin arabek savet gant ar gerioù ʿAbd (servijer) hag Allah (Doue, an taol-mouezh war an eil silabenn). Un anv-badez eo, deuet da vezañ un anv-tiegezh ivez.

Koshoc'h eo an anv eget an Islam avat. Kar eo ha talvezout a ra ar memes tra hag an anvioù biblek Abdiel hag Ovadia. Daou rabin yuzev Abdoullah o anv a oa e Medina a-raok an Islam : Abdoullah ibn Salam hag Abdoullah ibn Chouria. Menegomp ivez ar yuzev eus Yemen Abdoullah ibn Saba e-pad emled an Islam.

Stank e vez kavet e-touez ar Vuzulmaned hag ivez ar yuzevien Mizrac'h, dreist-holl e Siria hag Irak.

Stummoù all

• stumm berr : Abdel, Abdoul, Abdul
• stummoù all : Abd Allah, Abdala, Abdullah, Abdulah (Bosnia), Abdelilah, Abdollah (Iran), Abdulai
• Abdoulaye en Afrika du

Er yezhoù all

• Servus Dei e latin
• Serdieu e galleg
• Абдулла́ (Abdoulla) e rusianeg
• Габдулла́ (Gabdoulla) en adigeg (Kaokaz an Norzh)
• Gwazdoue e brezhoneg

Tud brudet

Anvioù-badez

Abdallah

• Abd Allah ibn az-Zubayr (623-692), niz Aicha
• Abdallah Ibn Yasin (war-dro 1050 - war-dro 1059), doueoniour
• Abdallah Iañ (1882-1951), roue Jordania
• e vab-kuñv Abdallah II (g. e 1962), roue Jordania
• Abdallah ben Abdelaziz Al Saoud (1924-2005), roue Arabia Saoudat

Abdullah

• 'Abdullah ibn 'Abdil-Mouttalib, tad ar profed Mahomed
• Abdullah ibn Masud hag Abdullah ibn Omar, keneiled ar profed Mahomed
• Abdullah Ahmad Badawi (g. e 1939), kentañ minitr Malaysia
• Abdullah Öcalan (g. e 1949), bet e penn Strollad Labourerion Kurdistan
• Ali Abdullah Salih (1942-2017), prezidant Yemen
• Abdullah Shah, (g. e 1959), roue Malaysia
• Abdullah Abdullah (g. e 1960), den a stad afghan

Anvioù-tiegezh

Abdallah

• Ahmed Abdallah (1919-1989), prezidant ar C'homorez
• George Ibrahim Abdallah (g. e 1951), stourmer komunour libanat

Tudennoù

• Abdallah, mab an emir Mohammed Ben Kalish Ezab e troioù-kaer Tintin.

Pennadoù kar

• Abdelaziz