Mont d’an endalc’had

A. G. Cook

Eus Wikipedia
A. G. Cook e 2022, "DJing" er Fox Theatre e Oakland, California, United States

Alexander Guy Cook (ganet d'ar 23 a viz Eost 1990 e Londrez) a zo ur soner hag ur produer saoz. Anavezet eo dre e label sonerezh PC Music (krouet e 2013) hag o sonerien vrudet evel Hannah Diamond, GFOTY, Danny L Harle ha Felicita[1]. Stil sonerezh al label a zo re ar pop son met kreskoñsed da re, hag a zo vont da laak diazezadur al lusk hyperpop[2]. Setu e vez laret en deus A.G. Cook brudet ha diorrenet al lusk-mañ. Anavezet e voe goude dre e genlabour gant ar sonerez saoz Charli XCX (e broduer seveniñ eo) war e mixtapes Number 1 Angel ha Pop 2 e 2017, hag e albomoù Charli e 2019 hag How i'm feeling now e 2020 . Embannet en deus sonerezh dre e anv ha dindan anvioù all evel Life Sim ha DJ Warlord[3].

Gant ar sonerez Sophie hag an arzour Hayden Dunham, A.G Cook en deus krouet ar raktres QT hag en deus embannet e 2014 o c’hentañ ha diwezhañ son anvet "Hey QT". E 2014 en doa embannet ivez e zaou son kentañ en e-unan anvet «Money on a Gold Plate» ha «Cos I Love U».

E 2020 en doa embannet e zaou albom kentañ, 7G hag Apple, a ergerzhe an hyperpop hag a vo helogadet gant ar gliked. Gounezet en deus, er memes bloaz, ar Variety Hitmakers Innovator of The Year Award[4]. E 2022 en deus kenbroduet ar son "All Up in Your Mind" eus Beyoncé (albom Renaissance) ,hag en deus lakaet anezhañ da vezañ anvet er Grammy er rummad Album of the Year[5]. E 2024, embannet en deus e drede albom anvet Britpop, hag adkroget eo gant ar produiñ asambles gant Charli XCX evit e albom nevez Brat hag e holl adveskoù albomoù. E labour war Brat en deus degaset dezhañ un eil anvadur er Grammy, er rummad  "Grammy Award for Best Remixed Recording" evit e remix "Von Dutch" ar wech-mañ.

Buhez

[kemmañ | kemmañ ar vammenn]

Alexander Guy Cook a zo mab an tisavourien saoz Sir Peter Cook hag israelat Yael Reisner[6]. A.G. Cook en deus heuliet un deskadurezh prevez, e King Alfred School, e Hampstead. Eno en deus kejet gant e genlabourer da zont, Danny L Harle.

Goude en deus studiet ar sonerezh e Goldsmiths, e Skol-veur Londrez. Amañ en deus adwelet Danny L Harle, e amezeg skol [7]. A-drugarez d'o blazioù sonerezh boutin evel an arzourien Captain Beefheart hag Archie Shepp e oa deuet an daou zen da vezañ mignoned da vat. Diwar ar mignoniezh-se e oa bet krouet ur raktres kenlabour war sonerezh anvet Dux Content [8]. E Dux Content e vez gwelet dija tuioù son PC Music hag A.G. Cook evel ur meskaj etre elfennoù ar pop evel mouezhioù implijet hag ar «club music»[9].

E miz Mezheven 2013, krouet en deus e label PC Music. E PC Music, A.G. Cook a zo alies an hini a brodu ar sonioù hag ar A&R eo eus al label, da lavaret eo-eñ e-karg da gavout sonerien nevez da ginnig ha da varc’hata ur gevrat evit al label, da gavout sonaozourien ha produerien evit ar soner ha da aozañ an estezioù enrollañ. PC Music a veze deskrivet evel «dazont ar muzik pop» ha setu e veze bodet buan-kenañ ur strollad fan war an Internet, e-keñver ment ar strollad. PC Music en deus sinet gant Columbia Records UK e 2015 a-raok na vefe paouezet ar c’henlabour ar bloaz war-lerc’h diwar youl Columbia.

Goude-se, A.G. Cook a zo deuet da vezañ rener krouidigezh Charli XCX, da lavaret eo an hini a ver an empenner-skridaozer hag ar rener arzel. E pad ar mare-se, produet en deus ivez evit Charli XCX un neubeud sonioù hag e zaou albom Charli e 2019 ha How i'm feeling now e 2020.

E miz Mezheven 2020 en deus embannet un EP dindan e anv-pladenn joke/disc-jockey DJ Lifeline[10] .

Embannet eo bet e gentañ albom studio, 7G, d’an 12 a viz Eost 2020. Seizh pladenn ez eo, pep hini liammet d’ur benveg disheñvel, evit un hollad 49 c'hanaouenn. Ennañ ez eus titloù kanet gant ar c'hanerezed Caroline Polachek, Hannah Diamond, Alaska Reid hag ar raper Tommy Cash[10]. Ennañ e vez kavet sonioù nevez hag ivez remiskoù sonioù pop ha rock. Pemp sizhun war-lerc'h, embannet en deus e eil albom, Apple. Lavaret en deus e oa e « eil albom kentañ » anezhañ[11][12].

E 2022 kenskriv ha kenprodu a ra ar son "All Up in Your Mind" gant Beyoncé, kavet en he seizhvet pladenn studio Renaissance.[70] Gounezet en deus e anvadur kentañ evit ar Grammy Award evit pladenn ar bloaz[5].

Goude se, kenlabour a ra gant meur a sonerien brudet evel Madona pe Christine and the Queens en o sikour produ sonioù ("Lick the light out" evit Madona) ha albomoù ( Paranoïa, Angels, True Love , pavere albom Christine and the Queens)

E Mezheven 2023, kemmen a ra e vo vloazh diwezhañ e vo embanet sonioù ha raktresoù nevez gant PC Music[13] . En embanioù diwezhañ al label e vez kavet Felicita albom Spalarkle[14], Hannah Diamond albom Perfect Picture[15], ha albom kentañ Thy Slaughter, Soft Rock gant perzh Charli XCX, Alaska Reid, Caroline Polachek, ha Ellie Rowsell[16].

E 2024, emban a ra ar son "Silver Thread Golden Needle" ar 1añ a viz Genver[17] ha an albom  Britpop ar 10ved a viz Mae[18], ar raktresoù e-unan kentañ aboe fin PC Music. An albom a zo bet embannet dre e label nevez New Alias[18].

A.G Cook a oa a-bouez tre e produadur Brat ,albom Charli XCX, o labourat war ar ganaouennoù "Von Dutch"[19] , "Club Classics", ha "B2B"[20]. Produiñ a reas ivez "Hello Goodbye" ha "Spring Breakers" war ar darvez deluxe, “Brat hag It's the Same met There's Three More Songs So It's Not”, o standilhonañ "Everytime" eus Britney Spears[21] . Charli XCX a heulias ar bladenn gant meur a remisk, en o zouez ur remisk eus "Von Dutch" gant A.G Cook gant Addison Rae[22]. Meuleudiet e voe ar remisk-se gant The Line of Best Fit, a galva produadur A.G Cook "idiosinkratek"[23].E labour war ar remisk "Von Dutch" a vo anvet evit ar Grammy Awards er rummad Grammy Award for Best Remixed Recording[24] .

Stil muzik[25]

[kemmañ | kemmañ ar vammenn]

Doare sonerezh A.G. Cook a implij klichedoù ar sonerezh pop mainstream eus ar bloavezhioù 1990 ha 2000[26]. Heuliañ a ra labour "megaproduerien" evel Max Martin ha Jimmy Jam ha Terry Lewis[7] . A.G. Cook a ali albom Scritti Politti, Cupid & Psyche 85, evit e "ziviz emskiant da gemer ar sonerezh pop ha d'he lakaat da vezañ al lugernusañ ha munutañ posupl"[27]. Menegiñ a ra ar sonerezh pop korean ha japanat evel levezonoù, ha menegiñ a ra ivez issevenadur ar gyaru[7].

Kregiñ a ra A.G. Cook da sevel tonioù dre sevel akordeoñsoù ha tonioù notenn dre notenn[7]. Gwelloc'h eo evitañ sonioù ar binvioù gallus ha hepkor a ra ar « sound design » e penn-kentañ krouadenn ar son, ar pezh a ro d'e sonerezh ur simplded didrouz. Arnodiñ a ra gant kendeuziñ sonioù disonus, hag an aozadurioù stank ha lieslivek a zeu diwarno a zo levezonet gant an teknikoù Black MIDI[7]. Awenet eo aozadurioù A.G. Cook gant sonerezh mekanikel ar sonaozour Conlon Nancarrow[28]. Pa vez o kenlabourat gant arzourien all e prient un demo ledan evit ma c'hellfe e genlabourer echuiñ ar pozioù hag enrollañ ar c'han diouzhtu. A.G. Cook a dreuzfurm kalz ar c'han, o troc'hañ anezho evit e vefe un elfenn ritmek war-zu ar meulodi[7].

Er c'hontrol d'an darn vrasañ eus an arzourien war PC Music, Cook a wisk dilhad eeun ha simpl [29]. GFOTY a fars en ur lavaret ez eo « nomcore » e stil[30].

Daveennoù

[kemmañ | kemmañ ar vammenn]
  1. ↑ Jones, Charlie Robin (an 11 a viz Gwengolo 2014). "PC Music's digital dreams". Dazed & Confused. 4: 178–183.https://www.dazeddigital.com/music/article/21588/1/pc-musics-digital-dreams
  2. ↑ (en) ELIS Eni, This is Hyperpop: A Genre Tag for Genre-less Music, Vice, 27/10/2020
  3. ↑ (en) A. G. Cook: 7G, Pitchfork, 30/08/2020
  4. ↑ (en) Aswad, Jem, Charli XCX and A.G. Cook on Their Innovative and 'Brutally Honest' Five Years of Collaborating, 03/12/2020
  5. ↑ 5,0 ha5,1 Lee, Taila (ar 15 a viz Du 2022). "2023 GRAMMY Nominations: See The Complete Nominees List" https://www.grammy.com/news/2023-grammy-nominations-complete-winners-nominees-list
  6. ↑ Hunt, El (an 11a viz Mezheven 2014). "Inside the hard drive of PC Music" https://diymag.com/feature/inside-the-hard-drive-of-pc-music
  7. ↑ 7,0 7,1 7,2 7,3 7,4 ha7,5 Golsorkhi-Ainslie, Sohrab (ar 25 a viz Eost 2013). "Radio Tank Mix: A. G. Cook"https://magazine.tank.tv/live/tank/radio-tank-mix-a-g-cook
  8. ↑ Bulut, Selim (ar 24 a viz C'hwevrer. 2015). "Next: Danny L Harle" https://dmy.co/features/next-danny-l-harle-interview
  9. ↑ Ariel Zetina, ar 1añ a viz Mezheven 2015 "Dux Content - Snow Globe", https://www.tinymixtapes.com/chocolate-grinder/listen-dux-content-snow-globe
  10. ↑ 10,0 ha10,1 Léonie Ruellan, ar 21 a viz Gouhere 2020, "Le mega album du boss de PC Music avec des reprises de Smashing Pumpkins, The Strokes" https://www.tsugi.fr/le-mega-album-du-boss-de-pc-music-avec-des-reprises-de-smashing-pumpkins-the-strokes/
  11. ↑ Rachel Aroesti, "AG Cook: the nutty producer behind the decade's most divisive music" https://www.theguardian.com/music/2020/sep/16/ag-cook-the-nutty-producer-behind-the-decades-most-divisive-music
  12. ↑ Ben Jolley, "The evolution of A. G. Cook" https://mixmag.net/feature/a-g-cook-pc-music-experimental-pop-interview
  13. ↑ Nina Corcoran, "PC Music to Cease Releasing New Music After 2023, Pivot to Archival Projects" https://pitchfork.com/news/pc-music-to-cease-releasing-new-music-after-2023-pivot-to-archival-projects/
  14. ↑ Eric Torres, "Spalarkle" https://pitchfork.com/reviews/albums/felicita-spalarkle/
  15. ↑ Amanda Hatfield, "Hannah Diamond announces new LP 'Perfect Picture,' shares title track " https://www.brooklynvegan.com/hannah-diamond-announces-new-lp-perfect-picture-shares-title-track/
  16. ↑ Matthew Ismael Ruiz,"PC Music’s A. G. Cook and Easyfun Detail Debut Thy Slaughter Album, Share New Songs: Listen" https://pitchfork.com/news/pc-music-a-g-cook-and-easyfun-detail-debut-thy-slaughter-album-share-new-songs-listen/
  17. ↑ Anagricel Duran, "A.G. Cook shares sputtering new single ‘Silver Thread Golden Needle’" https://www.nme.com/news/music/a-g-cook-shares-sputtering-new-single-silver-thread-golden-needle-3565236
  18. ↑ 18,0 ha18,1 Nina Corcoran, "A. G. Cook Announces New Album Britpop, Enlists Charli XCX for New Song: Listen" https://pitchfork.com/news/a-g-cook-announces-new-album-britpop-enlists-charli-xcx-for-new-song-listen/
  19. ↑ Ellise Shafer, "A. G. Cook on Creating His Own Form of ‘Britpop’ With Third Album, Producing Charli XCX’s ‘Brat’ and the Future of Pop Music: ‘Anything Could Happen’" https://variety.com/2024/music/global/ag-cook-britpop-charli-xcx-brat-1235994011/
  20. ↑ Tom Breihan,"A. G. Cook – “Soulbreaker”" https://www.stereogum.com/2259895/a-g-cook-soulbreaker/music/
  21. ↑ Nina Corcoran,"Charli XCX Releases Deluxe Edition of Brat: Listen"https://pitchfork.com/news/charli-xcx-releases-deluxe-edition-of-brat-listen/
  22. ↑ Dork,"Charli XCX has shared ‘The Von dutch Remix with Addison Rae & A. G. Cook’"https://readdork.com/news/charli-xcx-von-dutch-remix-with-addison-rae-a-g-cook/
  23. ↑ Tyler Damara Kelly, "Charli XCX releases "The Von dutch Remix" with Addison Rae and A. G. Cook" https://www.thelineofbestfit.com/news/charli-xcx-releases-the-von-dutch-remix-with-addison-rae-and-a-g-cook
  24. ↑ Jazz Monroe ha Matthew Strauss, "Grammy Nominations 2025: See the Full List Here"https://pitchfork.com/news/grammy-nominations-2025-see-the-full-list-here/
  25. ↑ StephensHuw, ar 25 a viz Meurzh 2015 "PC Music Interview" https://www.bbc.co.uk/programmes/p02mrwmt
  26. ↑ Cliff, Aimee (2014). "Dazed 100"https://www.dazeddigital.com/projects/article/22536/1/12-a-g-cook
  27. ↑ Barchi, Aly (12 December 2014). "CMU Artists Of The Year 2014: PC Music"https://web.archive.org/web/20160407093829/http://www.completemusicupdate.com/article/cmu-artists-of-the-year-2014-pc-music/
  28. ↑ Jon Pareles, ar 10 Mae 2015 ,"Review: PC Music and Sophie in a High-Concept Extravaganza at BRIC House"https://www.nytimes.com/2015/05/11/arts/music/review-pc-music-and-sophie-in-a-high-concept-extravaganza-at-bric-house.html
  29. ↑ Sam Wolfson, an 2 a viz Mae 2015, "PC Music: the future of pop or 'contemptuous parody'?"https://www.theguardian.com/music/2015/may/02/pc-music-dance-music-collective
  30. ↑ Stephens Huw, ar 25 a viz Meurzh 2015, "PC Music Interview" https://www.bbc.co.uk/programmes/p02mrwmt
Adtapet diwar « https://br.wikipedia.org/w/index.php?title=A._G._Cook&oldid=2140640 »