Ar 7,92 × 94 mm P318 zo ur munision enepdafar, ijinet er bloavezhioù 1930 en Alamagn evit ar fuzuilh eneptank Panzerbüchse 38. Implijet e voe ar gartouchenn er Panzerbüchse 39 dreist-holl, hag en un nebeud armoù all e-pad an Eil Brezel-bed ivez, arnodel evit ar braz anezhe. Ur galonenn tungsten he doa he bannadell 14,5 gram, ha roudenner e oa[1]. Bihan e oa he c'halibr e-keñver ar re implijet gant Stadunaniz (.50 BMG) ha Soviediz (14,5 × 114 mm) evit ar memes doare arm, met aesoc'h e oa da implijout evit un tenner e-unan[2]. Abalamour da araokadennoù hobregonoù ar Gevredidi e-kerzh ar brezel e voe tennet ar munision eus ar servij e 1944[3]. Ral eo kavout anezhi hiziv an deiz.
.svg){kind=small}
Trede Reich
