4,73 × 33 mm
| 4,73 × 33 mm | |
|---|---|
 Kartouchennoù .223 Remington (a-gleiz) ha 4,73 × 33 mm (a-zehou) | |
| Doare | |
| Doare skeiñ | e-kreiz |
| Bro orin |  Alamagn
|
| Saver | Heckler & Koch Dynamit Nobel |
| Bloavezh krouidigezh | 1982 (stumm diwezhañ) |
| Muzulioù | |
| Ø bannadell | 4,73 mm |
| Hirder ar c'hostez (nec'h) | 7,73 mm |
| Hirder ar c'hostez (traoñ) | 7,76 mm |
| Hirder ar gartouchenn | 32,83 mm |
| Perzhioù all | |
| Mas | 5,2 g |
| Lezenn | |
| Rummad e Bro-C'hall | C |
Ar 4,73 × 33 mm zo ur munision hep douilhez savet er bloavezhioù 1970 gant an embregezhioù alaman Heckler & Koch ha Dynamit Nobel, ha kinniget e 1982 en e stumm diwezhañ. E gargad-poulzañ a c'hronn e vannadell hag e emors penn-da-benn. Soñjet e voe da gentañ evit ar Bundeswehr, evit bezañ implijet er fuzuilh-arsailh arnodel HK G11[1]. Meur a harz teknikel a voe da vare e sevel, pa voe ret kemer e kont unvaniezh e gargad poulzañ, e harz ouzh an tosiñ pa ar rimiañ, e emors a ranke en em zistruj penn-da-benn, pe e boent emendaniñ[2].
E 1977 e voe tennet kuit eus amprouennoù AFNA pa darzhe ar munisionoù o-unan er gambr goude un nebeud degadoù a dennoù, abalamour da dommder an arm. E 1982 e voe kinniget gant Dynamit Nobel un doare propergol nevez evit e gargad-poulzañ, dezhañ un treuzoù tanañ 100°C uheloc'h evit an nitroseluloz. Pevar c'hoch a gaver war gostezioù ar munision evit gouzout dre beseurt tu lakaat anezhañ er c'harger[2].
Ur munision arnodel eo chomet ar 4,73 × 33 mm, ha n'eo ket bet produet a-yoc'h. Un nebeud skouerennoù a gaver da brenañ war lec'hiennoù ispisializet evit an dastumerien.
Daveennoù
[kemmañ | kemmañ ar vammenn]- ↑ (es) 4,73 x 33 DAG Caseless XPL- Telescoped DM 1.0 – DM 1.1, Municion.org (lennet d'ar 21/05/2025)
- ↑ 2,0 ha2,1 (fr) 4,73 x 33, Arme et Passion (lennet d'ar 21/05/2025)
