Eil kantved
(Adkaset eus 2vet kantved)
Iañ milved kt JK | Iañ milved | Eil milved
../.. | Iañ kantved kt JK | Iañ kantved | Eil kantved | IIIe kantved | IVe kantved | ../..
Bloavezhioù 100 | Bloavezhioù 110 | Bloavezhioù 120 | Bloavezhioù 130 | Bloavezhioù 140
Bloavezhioù 150 | Bloavezhioù 160 | Bloavezhioù 170 | Bloavezhioù 180 | Bloavezhioù 190
D'ar 1añ Genver 101 e krog an Eil kantved hag echuiñ a ra d'an 31 Kerzu 200.
Darvoudoù
[kemmañ | kemmañ ar vammenn]- Degaset an dremedal da Afrika roman e deroù ar c'hantved.
- A-drugarez d'an dremedal e vez advevaet an darempredoù etre Afrika Zu ha Norzhafrika. Anavezout a reer tri strollad kantreerien a veve er Sahara da neuze : an dTouboued er reter, kostez Tibesti, an Douareged e-kreiz, e bro an Hoggar, hag ar Sanhadjaed er c'hornôg eus tu ar meurvor atlantel. Reoliek eo an darempredoù etre an Douareged ha Roma. Dizoloet ez eus bet traezoù a orin roman e-barzh bezioù kantreerien er Sahara.
- Roudoù kristen a gaver e Kartago kerkent hag ar Iañ kantved. Degaset eo bet ar relijion nevez gant misionerien eus ar reter a veze avielet ar c'humuniezhioù yuzev ganto. Kalz a feizidi nevez zo bet stummet ganto. E-tro kreiz an eil kantved eo prezegennerien deuet eus Italia a gemer lec'h Reteriz. A-benn dibenn ar c'hantved en em astenn levezon ar relijion gristen betek kêrioù Numidia. Kregiñ a ra an handeerezhioù kentañ e-tro 180.
- Adal an Eil kantved e kroger da c'hounit gwiniegi hag olivezenned e Norzhafrika. Ed a c'hounezer ivez. Desavet e vez muioc'h-mui a gezeg, pennoù-saout, givri ha deñved ivez. Kalz a loened ferv a vez pourchaset da Roma evit c'hoarioù ar sirk..
- Kregiñ a ra rouantelezh Aksoum da zont war-c'horre.
- Tierniezh Pugyel e Tibet diouzh hengoun an Eil-IIIe kantved. Aozet eo ar gevredigezh dre glanioù renet gant aotrounez dizalc'h ha kevredet dre zimeziñ moarvat. Meneget eo Tibet gant bloazlevrioù Sina. Anvet eo "Tufan".
- Merket-kreñv eo an arz boudaek e Gandhara gant levezon an hellennegezh
- Mestr eo tierniezh Pandya war su India (Eil-XIVvet kantved).
- Tierniezh Chera e su pellañ India (Kerala) betek an Xvet kantved. Dispakañ a ra he beli war ar vro dravidek e-tro dibenn ar c'hantved. Hervez Śilappadikâram Ilangô Adigal, e vije bet klasket aloubiñ traoñienn Ganga gant unan eus ar rouaned-se : Senguttuvan.
- Skrivet eo an Nâtya-śâstra (eil-IVe kantved), ennañ diazez teorikel holl stiloù an dañs klasel India.
- Deroù an houarnerezh war inizi gevred Azia.
- En em staliañ a ra ar Saksoned ha pobl kar ar Frisoned en norzh d'an Elba ha war aodoù Mor an Hanternoz. Preizherien anezho e plantont freuz ha reuz war aodoù Enez Vreizh ha Galia.
- Lec'hiad Feddersen Wierde en aber ar Weser.
- Kaoter arc'hant fetis Gundestrup e Skandinavia, kinklet gant arvestoù lidel, olifanted, naered, brezelourien ha doueed. Kelt a orin ez eo un testeni eus an darempredoù armerzhel etre Skandinaviz hag ar Gelted.
- Gouarnet eo an Impalaeriezh roman gant ar "Pemp Impalaer Mat" (96–180) – Nerva, Trajan, Hadrian, Antoninus Pius, ha Marcus Aurelius.
Tud dibar
[kemmañ | kemmañ ar vammenn]- Rabbi Akiva
- Marcus Aurelius
- Cai Lun, ijiner sinaat
- Commodus, impalaer roman a embann bezañ Herkulez adenkorfet
- Galen (Bergama, 131 - Roma, 201), mezeg gresian, korfadurour ha renabler anaoudegezhioù mezegel e amzer.
- Hadrian (76 - 138), impalaer roman (117 - 138).
- Sant Irenaeus, eil eskob Lyon
- Montanus, disivouder kristen
- Nagarjuna, bet savet ar voudaegezh Madhyamaka gantañ
- Antoninus Pius
- Plinius ar Yaouankañ
- Plutark
- Ptolemaios (e-tro 90 - 170), steredoniour ha jedoniour gresian.
- Trajan
- Septimius Severus
- Suetonius, istorour roman
- Valentinius, brudetañ Gnostik kristen
- Zhang Daoling, manac'h Taoour, an divarvel
Ijinadennoù, Kavadennoù, degasadennoù
[kemmañ | kemmañ ar vammenn]- Ijinet stur stambod e Sina.
- Ijinet ar paper gant Cai Lun e Sina (e-tro 105).
- Renablet ha marilhet an holl stered a c'hall Mab-den gwelet gant e zaoulagad gant Ptolemaios.
- 132: ijinet an douargrenvuzulier kentañ gant Zhang Heng