.38 Long Colt
| .38 Long Colt | |
|---|---|
 Ur gartouchenn .38 Long Colt | |
| Doare | |
| Doare korf an douilhez | bourled, eeun |
| Doare skeiñ | e-kreiz |
| Bro orin |  Stadoù-Unanet Amerika
|
| Muzulioù | |
| Ø bannadell | 9 mm |
| Ø kolier | 9,7 mm |
| Ø korf an douilhez | 9,7 mm |
| Ø strad | 11,3 mm |
| Tevder ar strad | 1,5 mm |
| Hirder an douilhez | 26,2 mm |
| Hirder ar gartouchenn | 34,54 mm |
| Perzhioù all | |
| Pouez ar vannadell | 8 - 10 g |
| Tizh mont e-maez V0 | 235 m/s |
| Energiezh ar vannadell | 224 - 273 J |
| Emors | SP |
| Lezenn | |
| Rummad e Bro-C'hall | B |
An .38 Long Colt zo ur munision armoù-dorn produet adalek 1875 gant an embregerezh stadunanat Colt, ha choazet e 1892 gant an U.S. Army evit he revolverioù Colt M1892. Karget e oa gant poultr du da gentañ, met ar stumm ennañ poultr divoged a voe produet adalek dibenn 1900. An .38 Long Colt ne oa ket ur gartouchenn uhel he galloud nag he c'halibr. Hec'h implij ne savas ket kudennoù e-pad brezel 1898 a-enep Spagn, met da vare ar brezel a-enep Filipinez (1899-1902) hag emsavadeg ar Moroed a zeuas war-lerc'h (1902-1913) e talas ar Stadunaniz ouzh stourmerien juramentado kustumet da gas argadennoù emlazh. Re wan e oa galloud-herzel an .38 Long Colt evit herzel anezhe prim, ha fellet a reas d'ar soudarded distreiñ d'ur c'halibr uheloc'h[1]. Dilezet e voe en arme stadunanat en ur mod ofisiel e 1909 evit ar .45 Colt implijet er revolver Colt M1909, hag evit ar .45 ACP daou vloaz war-lerc'h er bistolenn Colt M1911[2].
Ur c'halibr diamzeriet eo an .38 Long Colt hiziv-an-deiz. E 1902 e krogas an embregerezh Smith & Wesson da werzhañ an .38 Special, ur gartouchenn deveret anezhañ. Unan eus ar munisionoù implijetañ er revolverioù eo c'hoazh hiziv-a-deiz[3].
Liammoù diavaez
[kemmañ | kemmañ ar vammenn]- (fr) Taolenn ar munision war lec'hienn ar CIP
Daveennoù
[kemmañ | kemmañ ar vammenn]- ↑ (es) .38 Long Colt DA Inside lubricated, Municion.org (lennet d'ar 27/01/2025)
- ↑ (fr) HOUSTON Rob, STROYAN Christine (renerezh), Armes à feu de légende, Larousse, 2019, p. 169
- ↑ (fr) CARANTA R., La .38 Special, reine de la précision depuis 1902, Cibles, HS n°14, miz Here 2008
