Águas de Março

Águas de Março zo ur ganaouenn bortugalek savet gant ar c'haner ha sonaozer brazilian Tom Jobim e 1972. Gantañ eo bet lakaet e saozneg ivez hag anvet Waters of March.

Ar ganaouenn

N'eus istor ebet er ganaouenn, nemet un heuliad skeudennoù ha lusk ar gerioù. Tost pep linenn a grog gant "É..." ("[an dra-se] eo ..." e brezhoneg).
Daoust da se, en 2001, e voe anvet Águas de Março da ganaouenn wellañ ar vro goude ur votadeg e-touez ouzhpenn daou c'hant kazetenner ha soner (hag arzour all), aozet gant ar pemdezieg Folha de São Paulo. Gant ar gelaouenn Rolling Stone (Brazil) avat n'eo bet lakaet nemet da eil a-douez ar 100 gwellañ kanaouenn eus Brazil.

Kanerien

Águas de Março zo bet sonenrollet gant meur a ganer. E Brazil gant João Gilberto, Leny Andrade, Miúcha, Nara Leão, Joyce Silveira Moreno, Danilo Caymmi, Sérgio Mendes hag Os Cariocas.

Doare saoznek

Troet eo bet e saozneg, Waters of March an anv anezhi, ha kanet eo bet gant Art Garfunkel, Al Jarreau, Ella Fitzgerald ha Dionne Warwick.

Doare gallek

Savet eo bet an doare gallek – Les eaux de Mars – gant Georges Moustaki.

Liammoù diavaez

• Skridoù an doareoù portugalek ha saoznek kichen-ha-kichen
• Kanet gant Elis Regina
• Kanet gant Elis Regina ha Jobim