Blitzkrieg
Gant ar ger Blitzkrieg e tegouezher amañ. Evit sterioù all ar ger, gwelit Blitzkrieg (disheñvelout).
![](http://upload.wikimedia.org/wikipedia/commons/thumb/4/4e/Bundesarchiv_Bild_101I-218-0510-22%2C_Russland-S%C3%BCd%2C_Panzersoldat.jpg/260px-Bundesarchiv_Bild_101I-218-0510-22%2C_Russland-S%C3%BCd%2C_Panzersoldat.jpg)
![](http://upload.wikimedia.org/wikipedia/commons/thumb/7/78/Bundesarchiv_Bild_101I-769-0229-11A%2C_Frankreich%2C_Guderian%2C_%22Enigma%22.jpg/260px-Bundesarchiv_Bild_101I-769-0229-11A%2C_Frankreich%2C_Guderian%2C_%22Enigma%22.jpg)
![](http://upload.wikimedia.org/wikipedia/commons/thumb/2/23/SemaTaktikaBlitzkrieg.jpg/500px-SemaTaktikaBlitzkrieg.jpg)
Ar Blitzkrieg ("brezel prim", « brezel [Krieg] luc'hedenn [Blitz]» en alamaneg) a zo un doazhadur brezel arsailh gant ar pal da gaout un trec'h meur oc'h implij un hollad nerzhioù karbedoù hobregonet e-pad ul lajad amzer termenet ha war un dachenn bevennet strizh.
Ouzhpenn an nerzhioù-se e vez implijet nerzhioù an droadegiezh ha nerzhioù an aerlu evit skeiñ kreñv barrregezhioù milourel, ekonomikel ha politikel an enebour.
Orin[kemmañ | kemmañ ar vammenn]
Testeniekaet eo ar ger evit ar wech kentañ er bloavezh 1935 en ur pennad eus ar gazetenn Deutsche Wehr, kazetenn ofisiel al lu alaman. Hervez ar gazetenn vilourel-se, ar Stadoù o vezañ treut gant an danvezioù diazez a vez rediet da « echuiñ ar buanañ ar gwellañ gant ur brezel en ur glask raktal bezañ trec'h dre implij o holl nerzhioù arsailh en un taol dizamant ».
Ar ger a zo adkemeret en ur pennad eus ar gazetenn Time Magazine d'ar 25 a viz Gwengolo 1939 a zispleg aloubadeg Polonia gant Alamagn : "This is no war of occupation, but a war of quick penetration and obliteration - Blitzkrieg, lightning war" "N'eo ket ur brezel dalc'hidigezh, met ur brezel drebarzhiñ prim ha distruj — ar Blitzkrieg, ar brezel prim ".
Ur skouer[kemmañ | kemmañ ar vammenn]
![](http://upload.wikimedia.org/wikipedia/commons/thumb/6/62/Poland2.jpg/500px-Poland2.jpg)
E-pad aloubadeg Polonia e 1939, armeoù alaman o fiñval prim a enkelc'hias an nerzhioù polonat (kelc'hioù glas) na oant ket nerzhioù hobregonet dishual met nerzhioù hobregonet, troadegiezh, aerlu ha kanolierezh kenaozet.