Zombie Strippers

Zombie Strippers
Skritell ar film
Filmdata
Titl orin :	Zombie Strippers
Bro produiñ :	Stadoù-Unanet
Deuet er-maez :	18 a viz Ebrel 2008
Yezh orin :	saozneg
Padelezh (PAL-DVD) :	94 munutenn munutenn
Skigner :	Stage 6 Films Triumph Films
Pare
Filmaozer :	Jay Lee
Produer :	Larry Schapiro Andrew Golov Angela J. Lee
Skrivagner :	Jay Lee
Sonerezh :	Billy White Acre
Aktourien
Robert Englund Jenna Jameson Penny Drake Roxy Saint Jessica Custodio Tito Ortiz
Liammoù diavaez
Lec'hienn ofisiel Pajenn an "All Movie Guide" Pajenn an "Internet Movie Database"

Zombie Strippers a zo ur film euzh fentus deuet er-maez e 2008. Ar senario hag ar filmañ a zo bet graet gant Jay Lee, hag e-touez aktorien ar film emañ Robert Englund, Jenna Jameson ha Tito Ortiz. Skignet eo bet gant Sony Pictures Home Entertainment. Diazezet eo war ar pezh-c'hoari Rhinoceros gant Eugène Ionesco.

Senario

En dazont e c'hoarvez ar film. D'ar mare-se emañ George W. Bush o ren er Stadoù-Unanet evit ar pevare gwech. Divodet en deus kendalc'h ar Stadoù-Unanet, berzet en deus ivez an noazhder foran, ha brezel a zo etre ar Stadoù-Unanet ha meur a vro all : Frañs, Irak, Afghanistan, Iran, Syria, Venezuela, Kanada hag Alaska (hag a zo dispartiet diouzh SUA). Neuze ez eo splann ez eus kement a vrezelioù ken n'eo ket niverus a-walc'h ar soudarded a c'hallfe brezeliñ. En ul labourva kuzh renet gant ar mezeg Chushfeld (Brad Milne) e Sartre e tiorrener ur virus da lakaat ar soudared marines marv da c'henel en-dro a-benn distreiñ da vrezeliñ. Met aet eo ar virus er-maez eus al labourva, ha meur a zen a zo bet paket gantañ. Ur strollad soudared marines anvet skouadron Z a zo lakaet e-karg eus lazhañ ar zombied, met unan eus ar soudarded anvet Byrdflough (Zak Kilberg) a zo dantet gant zombied hag e teu a-benn da dec'hout kuit. En em gavout a ra e-kichen ur c'hlub strip-tease anvet Rhino. Mervel a ra ha pa c'han en-dro eo deuet da vezañ ur zombie hag ez a e-barzh ar c'hlub.

E penn Rhino emañ Ian Essko (Robert Englund). Ur stripper nevez, Jessy (Jennifer Holland) hec'h anv, a zo o paouez en em gavout er c'hlub, peogwir eo dav dezhi dastum argant da baeañ oberatadenn he mam-gozh. Kejañ a ra ouzh dañsourez vrudetañ ha speredekañ (gwelout a reer anezhi o lenn oberenn glok Friedrich Nietzsche) ar c'hlub anvet Kat (Jenna Jameson). E-keit ha m'emañ Kat o tañsal ez eo taget ha dantet gant Byrdflough. Daoust ma n'eo ket gwall laouen Essko e tiviz mirout anezhi peowgir eo dañsourez wellañ ar c'hlub. Berzh bras a ra an dañsourez zombie. An dañsourezed all a gompren neuze e c'hallfent koll o micher, neuze e tivizont dont da vezañ zombied ivez, hag e tantont holl arvesterien ar c'hlub. Essko a glask mirout an holl zombied en ur gaoued e kav ar c'hlub, met dont areont a-benn da dec'hout hag e krogont d'en em gannañ etrezo. An dud er c'hlub a glask treuzvevañ betek ma teufe soudared ar skouadron Z da zieubiñ anezho. Kompren a reont ez eo bet laosket ar zombied da dec'hout gant gouarnamant Bush a-benn lakaat an amerikaned da zisoñjal ar c'hudennoù a zo savet abalamour d'ar brezel ha da gudennoù armerzh.

Aktorien

Penny Drake ha Jenna Jameson e-pad ma voe filmet Zombie Strippers

• Jenna Jameson : Kat
• Robert Englund : Ian
• Roxy Saint : Lillith
• Penny Drake : Sox
• Joey Medina : Paco
• Whitney Anderson : Gaia
• Jennifer Holland : Jessy
• Shamron Moore : Jeannie
• Jeannette Sousa : Berengé
• Carmit Levité : Madame Blavatski
• John Hawkes : Davis
• Brad Milne : Dr Chushfeld
• Zak Kilberg : Byrdflough
• Jen Alex Gonzalez : Lt Ryker

Sell ar vurutellerien

Degemeret eo bet evel ur film etre gant ar vurutellerien. Lavaret eo bet e oa filmet ha produet fall, daoust da se eo bet anzavet e oa ennañ kenedouriezh camp. D'an 20 a viz Eost 2008 eo bet embannet gant al lec'hienn Rotten Tomatoes e oa 41% a bennadoù burutellañ pozitivel (diazezet war 51 pennad burutellañ). War Metacritic e lavarer ez eo 45 diwar 100 keidenn ar film (diazezet war 14 pennad burutellañ).

Liammoù diavaez

• Zombie Strippers war MySpace
• Zombie Strippers war Yahoo! Movies
• Trailer war Apple.com