Wikipedia:Wiki-ni

Eus Wikipedia
(Adkaset eus Wiki-ni)
Skañvoc'h dougen ur bikini evel hemañ:
hon wiki-ni a vije diaesoc'h da wiskañ:
tremen 60 000 pennad zo ennañ.
Kentel: Lec'h zo da bep hini
e-barzh hon wiki-ni.
Hor wiki-ni
N'eo ket ur spontailh-brini
Met ur vro gaer bevañ enni.

Hon wiki-ni, pe hor wiki-ni (evel a garer pe a geror), n'eo ket un enezenn, nag un douar, nag un tamm pezh dilhad berr ha dister, met ar wikipedia vrezhonek. Pell emañ diouzh Enez Bikini hag ouzhpenn-se n'eo ket a vent nag a stumm gant bikini ebet.

Bro dizalc'h[kemmañ ar vammenn]

N'eo ket na bragoù na brozh dizalc'h eta, met un tamm bro dizalc'h an hini eo memes tra.
N'eo ket bro brini na levrini, na karreg gouelini, met hon bro-ni an hini eo, brezhonegerien divorfil, dibilh ha dibistig.
Stag eo a dra sur ouzh an holl wikioù all, ha par dezho ivez: gant brezhonegerien eo savet, ha n'eo ket gant o amezeien pe yezherien arall.

Ganimp emañ ar vestroni,
hep rogoni na rustoni,
hep viloni na falloni,
na brav eo dimp en hon wiki-ni.

Son flour ar yezh[kemmañ ar vammenn]

Redadeg levrini
Mall warne mont da zeskiñ d'hon wiki-ni.

Ar vro vrezhonek nemeti eo hon wiki-ni.
Enni e c'haller komz eus kement tra a garomp, beajiñ en holl vroioù, hag en holl amzerioù, en hon yezh-ni.

Evel miaou kazh, evel harzh ki,
Nemet son hon yezh ne vank en hon wiki
Un deiz avat e teuy, hervez pep spi
Sede p'lec'h mañ hon intampi.

Wiki digor, Goursez digor[kemmañ ar vammenn]

Amañ weler c'hwec'h chaloni
A zo lirzhin o vousc'hoarzhin
Setu perak, n'eus tamm kevrin:
Kavet o deus hon wiki-ni.
Chaloniez en he monokini
Deuet da weladenniñ
Chalonied hon wiki-ni.

Degemerus eo hon wiki evel ma tiskouez ar pempgwerzennad-mañ:

Pe baotr pe blac'h, da bep hini
da chaloniez pe chaloni
pe 've diaes pe 'n aezoni
pe gant mono pe gant biki
digor ez eo hon wiki-ni.

Koulskoude eo degemerusoc'h hon wiki-ni c'hoazh d'ar re a garo kas ar c'harr war-raok gant ar re all, hervez pozioù ar c'han broadel :

Ma tremenez, salud 'lari,
Ma labourez, gra a gari,
Met ma klaskez porzh da c'hoari
N'eo ket al lec'h da baboriñ.

Pennadoù kar[kemmañ ar vammenn]

Liammoù diabarzh[kemmañ ar vammenn]

  • Arnodoù gallegerien da reoliañ hon wiki-ni: [[1]]
  • Arnodoù drailherien : ne blij ket hon wiki-ni d'ar bleidi [[2]] na d'ar brini: [[3]]
Hon wiki-ni n'eo ket ur park-c'hoari d'ar gouelini.
Hon wiki-ni n'eo ket ur preizh da reiñ da blaouiañ d'ar bleizi.
Setu amañ brini
war evezh pe war ziwall:
petra o deus kavet en hon wiki-ni
a blij dezho kemend-all?
Nag en tomatez nag en hili
ne vez soubet ar brizhilli
pesked doujet hon wiki-ni.

Liammoù diavaez[kemmañ ar vammenn]

  • Arabat e vez doukveskañ hon wiki-ni-ni hag ur wikini bennak[1] .
  1. http://wikini.net/wakka.php?wiki=PagePrincipale