Vittoria Colonna (barzhez)

Vittoria Colonna, poltredet gant Sebastiano del Piombo.

Vittoria Colonna, treset gant Michelangelo Buonarotti.

Vittoria Colonna. Poltredet gant Girolamo Muziano, Roma, Galleria Colonna.

• Di così nobil fiamma Amor mi cinse,
  Ch'essendo spenta, in me vive l'ardore;
  Nè temo nuovo caldo, che 'l vigore
  Del primo foco mio tutt' altri estinse.
  

E-barzh ar Rime.

Vittoria Colonna (1490 - 1547), ganet e Marino (Italia), markizez Pescara, a oa ur skrivagnerez italian e deroù ar XVI^vet kantved, ha brudet he barzhoniezh.

He buhez

Vittoria Colonna, merc'h da Fabrizio Colonna, konestabl Rouantelezh Naplez, ha da Agnese da Montefeltro, a oa ganet e Marino (Italia), kreñvlec'h an tiegezh Colonna, nepell diouzh Roma.
Desket mat e voe, hag a-vihanik e oa troet gant al lennegezh.

Kalz a wazed a glaske kaout he dorn, en o zouez e oa dug Savoia ha hini Braganza, met da 19 vloaz e timezas hervez he c'hoant da Francesco Ferrante d'Ávalos, mab da Fernando de Avalos, markiz Pescara, jeneral d'an impalaer Karl V. En enez Ischia e voe graet an eured.

Barzhoniañ

Mignonez e oa d'ar c'hizeller ha livour Michelangelo. Barzhonegañ a rae-hi, hag e-touez gwellañ heulierien Petrarca eo bet lakaet.

Liammoù diavaez

• (it) Rime (1982), testenn leun "Scrittori d'Italia" Laterza
• Vittoria Colonna hag he chomadenn en Ischia