Violante Bentivoglio

Eus Wikipedia

Violante Bentivoglio(1505–1550), kontez Galliate, a oa un itron italian, merc'h da Alessandro Bentivoglio hag Ippolita Sforza, a ziskenne eus Galeazzo Maria Sforza (marvet e 1476), dug Milano. Violante e oa anv he moereb, Violante Bentivoglio, a zimezas da Pandolfo IV Malatesta, diwezhañ Aotrou Rimini (Signore di Rimini).

Dimeziñ a reas Violante e 1520 da Giovanni Paolo Sforza (1497-1535), mab bastard da Ludovico il Moro, dug Milano, ha d'e serc'h Lucrezia Crivelli,

E 1532 e voe anvet he fried da varkiz Caravaggio ha kont Galliate gant e hantervreur Francesco II Sforza, dug Milano, mab da Ludovico il Moro ha Beatrice d'Este[1].

Daou vugel o doe Violante hag he fried:

  • Ludovica (1522 pe 1523-1561)[2];
  • Muzio Iañ Sforza (1528 pe 1529-1553)[3], a renas war-lerc'h e dad.

Gant bugale Violante ha Giovanni Paolo e voe kroget skourr Sforza markizien Caravaggio, a badas betek 1697, pa varvas Francesco III Sforza.


Notennoù[kemmañ | kemmañ ar vammenn]

  1. https://web.archive.org/web/20081202234022/http://www.kleio.org/en/history/famtree/sforza/350.html
  2. https://web.archive.org/web/20081202234022/http://www.kleio.org/en/history/famtree/sforza/350.html
  3. https://web.archive.org/web/20070829064543/http://www.fondation-barbier-mueller.org/articles/italic02/albonico.html