Veneteg

Ar veneteg eo an anv a reer eus ar yezh italianek a gomzer dreist-holl e Veneto, ar rannvro en-dro da gêr Venezia, en Italia.

Pelec'h e vez komzet?

An darn vrasañ ag ar venetegerion a zo e rannvroioù italian Veneto, Friuli-Venezia Giulia , Trentino-Alto Adige. Met yezherien zo ivez e broioù all, e Slovenia ha Kroatia (ahont o c'haver dreist-holl e ledenez Istria, hag e kornioù zo war aod Dalmatia).

Ouzhpenn-se, gant an divroañ en XIXvet hag XXvet kantved e kaver bagadoù venetegerien en Amerika, dreist-holl e Chipilo (e stad Puebla, Mec'hiko), hag e Rio Grande do Sul, e Brazil, dreist-holl e bro ar gwiniegoù, ma komzer ur rannyezh a vez graet talien anezhi, gant un tamm veneteg hag un tamm italianeg gant gerioù a veur a yezh all.

En Veneto e weler a-wechoù pannelloù divyezhek (venetek italianek).

Gerioù venetek

Ar gerioù arsenal, ciao, ghetto, gondola, lagon ha laguna, lido ha Montenegro zo gerioù deuet eus ar veneteg.

Skouerioù eus ar c'hemmoù etre veneteg hag italianeg

Veneteg	Italianeg	Brezhoneg
ava	ape	gwenanenn
carega	sedia	kador
"tor" pe "cior"	prendere	kemer
insir	uscire	mont er-maez
cascar	cadere	kouezhañ
nòtoła	pipistrello	logodenn-dall
caxa	casa	ti
làvaro	labbro	muzell
bras	braccio	brec'h
nùmaro	numero	niver
pón/pómo	mela	aval
escoll	scola	skol
schirat	scoiattolo	gwiñver
grip	influenza	grip, arouez
sorar	raffreddare	yenañ
istà	estate	hañv
uncuò	oggi	hirio
subiar	fischiare	c'hwitellat, sutal
piron	forchetta	fourchetez, forc'higell
lùni	lunedi	(di)lun
màrti	martedi	(di)meurzh
mercòre	mercoledi	(di)merc'her
sòbia	giovedi	yaou/diriaou
venàre	venerdi	(di)gwener
sàbo	sabato	(di)sadorn
domènega	domenica	(di)sul