Trapez

Eus Wikipedia
Mont da : merdeiñ, klask
Trapez
Trapez
An trapez ABCD
An trapez zo ur skouer dibar eus :
Trapezoù dibar :

An trapezoù (a vez graet trapezenn pe tristurieg anezho a-wezhioù)[1] a zo anezho pevarc'hostezegoù o deus daou gostez enep parallelek. Graet e vez diaz eus an daou gostez-se.

Gant an termenadur-se ez eus trapezoù eus ar pevarc'hostezegoù ABCD hag ABDC o-daou war ar figurenn (hag a zo parallelek o c'hostezioù (AB) ha (CD) ).

Oberourien 'zo a laka ur redi ouzhpenn : konvekselezh ar pevarc'hostezeg. Gant se e vez dilezet an « trapezoù kroazet » evel ABDC.

Perzhioù[kemmañ]

Ar pevarc'hostezegoù konveksel a zo trapezoù anezho mar hag hepken mard o deus ur c'houblad kornioù kenheuliek kevatal o somm gant 360 derez pe π radian. Heñvel eo neuze somm an daou gorn all.

Da skouer : an daou goublad kornioù a zo (A,D) ha (B,C) o begoù.

Diwall : En trapezoù ne vez ket atav somm daou gorn kenheuliek kevatal gant 360 derez (ar c'hornioù lol ha B o begoù er figurenn da skouer).

Trapezoù dibar[kemmañ]

Trapez skouer
  • Graet e vez trapez skouer eus an trapezoù o deus ur c'horn skouer da nebeutañ. En abeg d'ar perzh kent e vez atav daou gorn skouer da nebeutañ en trapezoù skouer. Ar skouergornegoù ivez a zo trapezoù skouer.
Trapez  izoskelel
Trapez  izoskelel gant e ahel simetriezh
  • An trapezeoù a vez graet izoskelel anezho pa wiriont unan eus ar perzhioù keittalvoudek-mañ :
  • Daou gorn stok ouzh ar memes diaz zo kevatal.
  • Keit eo ar c'hostezioù nann parallelek.
  • Keit eo an diagonalennoù.
  • An daou ziaz a zo dezho ar memes kreizskouerenn, hag honnezh zo ahel simetriezh d'an trapez.
Trapez dibar : parallelogram
Trapez dibar : skouergorneg
  • An trapezoù konveksel hag a zo keit o diazoù a zo neuze parallelogramoù. Parallelek eo neuze an daou gostez all.
  • Ar skouergornegoù zo trapezoù skouer hag izoskelel war un dro.

Formulennoù[kemmañ]

Formulennoù an trapez
Muzulioù an trapez
Gorread G = \frac{a+c}{2} \cdot h

= \frac{a+c}{a-c} \sqrt{(s-a) (s-c) (s-a-b) (s-a-d)} (pa vez a > c),

gant s=\tfrac{1}{2}(a+b+c+d)

Trohed T = a + b + c + d\,
Uhelder h = b \cdot \sin\beta = b \cdot \sin\gamma = d \cdot \sin\alpha = d \cdot \sin\delta

= \frac{2G}{(a + c)}

Hirder an diagonalennoù d_1 = \sqrt{a^2 + b^2 - 2ab\cos \beta} = \sqrt{c^2 + d^2 - 2cd\cos \delta}

d_2 = \sqrt{a^2 + d^2 - 2ad\cos\alpha} = \sqrt{b^2 + c^2 - 2bc\cos\gamma}

Hirder ar c'hostezioù a,b,c,d\,
Muzulioù ar c'hornioù \alpha,\beta,\gamma,\delta\,

Dont a ra an eil formulenn evit jediñ ar gorread eus formulenn Heron evit jediñ gorread an tric'hornioù, hag ar formulennoù evit jediñ hirderioù an diagonalennoù eus teorem al-Kashi.

Teorem an trapez[kemmañ]

Trapeze complet.svg

Teorem an trapez — En trapezoù, an eeunenn a dremen dre boent skej ar c'hostezioù nann parallelek ha dre boent skej an div ziagonalenn a dremen ivez dre greizoù ar c'hostezioù parallelek.


Notennoù ha daveoù[kemmañ]

  1. An termen trapez a gaver e-barzh : An termen trapezenn a gaver e-barzh :
    • Geriaoueg Matematik, Embannadurioù Eil Derez Diwan, trede embannadur kresket, 1995
    Hag an termen tristurieg a gaver e-barzh :
    • Geriadur Brezhoneg An Here, An Here, 2001