Tour-tan Trezian
 | |
 | |
| Lec’h | Plouarzhel, Frañs |
|---|---|
| Daveennoù lec'hiañ | |
| Tour | |
| Savet | 1892  |
| Emgefreekaet | 1984 |
| Uhelder | 37,2 metr |
| Uhelder diwar live ar mor | 90,9 metr |
| Statud gladel | e renabl hollek an herezh sevenadurel |
| Gweladenniñ | ya |
| Annezet | n’eo ket |
| Gouloù | |
| Enaouet evit ar wech kentañ | 1 Genver 1894 |
| Uhelder fokalenn | 84 metr |
| Diraez | 20 mil-mor |
| Doareenn ar sinal | Oc(2) W 6s |
Emañ Tour-tan Trezian e kumun Plouarzhel, e Bro-Leon. En douaroù emañ, 500 metr diouzh ribl ar mor hag ur c’hilometr hanter diouzh Beg Korzenn.
Asambles gant tour-tan Beg Enez Konk e verk an hent d’ar bigi a dremen dre ganol ar Forn, etre Enezeg Molenez hag an douar-bras.
Kelc’hiek eo an tour ha moanoc’h er penn uhelañ eget en traoñ. E tu ar c’hreisteiz eo livet e gwenn. Savet eo bet gant mein greunit eus an Aber Ildud.
Istor[kemmañ | kemmañ ar vammenn]
Enaouet e voe an tour-tan evit ar wech kentañ d’ar 1añ a viz Genver 1894. En amzer-se ez ae en-dro gant gaz eoul. E 1900 e voe staliet un dever dre aezhenn direoul. Betek 1963 e voe graet gant an danvez helosk-se, aesoc’h da broduiñ ha da gas. D’ar 15 a viz Eost 1944 e voe tizhet an tour gant un obuz ha gwallaozet e voe ar skalier greunit. E 1946 e voe adenaouet an tour-tan. Lakaet e voe al letern da vont en-dro gant tredan adalek 1963 hag e 1984 e teuas an tour-tan da vezañ emgefreek. Betek neuze e oa ur gward oc'h ober war e dro ha lojet e veze hemañ en un ti bihan a oa e traoñ an tour. Abaoe 1987 e c’haller gweladenniñ an tour-tan en hañv.
Liammoù diavaez[kemmañ | kemmañ ar vammenn]
- Fichenn tour-tan Trezian e lec’hienn an DIRM NAMO (Direction InterRégionale de la Mer - Nord Atlantique-Manche Ouest)
- Ministrerezh ar Sevenadur, base Mérimée, fichenn niv. IA29000456
- Fichenn e renabl ar glad e Rannvro Breizh
- Tour-tan Trezian e Wiki-Brest
- Tour-tan Trezian (skeudenn)
