Toukouleured

Eus Wikipedia
Mont da : merdeiñ, klask
Toukouleured
Poblañs hollek

tro-dro da 800.000

Rannvroioù e lec'h ma vezont kavet stank
Senegal 10% eus poblañs ar vro
Maoritania
Mali
Yezhoù
Peuleg
Relijionoù
Islam
Pobloù liammet
Peuled

Ur genel eus Afrika ar C’hornôg eo an Doukouleured pe Haalpulaaren. Emaint o vevañ dreist-holl e norzh Senegal (ma’z eont d’ober 10 % eus ar boblañs), e traoñienn ar stêr Senegal, e Maoritania hag e Mali.

A-hervez e teufe an Doukouleured eus rouantelezh kozh Takrour. Un trefoedadur eus anv ar rouantelezh-se eo o anv.

Komz a ra an Doukouleured rannyezh peul ar Fouta-Tooro. « Haalpulaaren » a reont anezho o-unan, pezh a sinifi « a gomz pulaar », ar yezh peul.

An holl Doukouleured pe dost a heuilh kelennadurezh an Islam.

Tost int d’ar Beuled nemet ez int chomidik.

Ur gevredigezh uheldadel eo hini an Doukouleured. Renkadet-kaer eo, ha rannet etre 12 kasta dezho pep a dri c’hlas. Ar pennoù bras relijiel hag ar varabouien a ya d’ober ar c’hasta uhelañ, Toorobbê e anv. Gant El Hadj Oumar Tall e oa bet diazezet un impalaeriezh toukouleur en XIXvet kantved war ul lodenn eus Mali bremañ.