Theodorus van Wijngaarden

Eus Wikipedia
Mont da : merdeiñ, klask

Theo van Wijngaarden (1874-1952) a oa ur falser izelvroat. Alies e kaver roud eus e anv asambles gant hini ur falser all anvet Han van Meegeren. Gant van Wijngaarden e veze kempennet oberennoù arzel. Alies e laboure war skeudennoù dister o friz, hag e yae d'o gwerzhañ da lec'h all en Europa d'ober gounid[1]. Labourat a reas war meur a falsoberenn gant van Meegeren, evel da skouer Plac'h o vousc'hoarzhin, ul livadur a voe lakaet war gont Johannes Vermeer, peogwir e tenne da Blac'h he ferlezenn. Roet e voe al livadur-se da National Gallery of Art (Washington, D.C.) gant an dastumer Andrew W. Mellon e 1937[2][3]. Alies e veze lakaet Van Wijngaarden da werzhañ falsoberennoù savet gant Meegeren.[4]

Notennoù[kemmañ]

  1. John Godley, Master Art Forger - The Story of Han Van Meegeren, 2007, isbn=1406734179
  2. Vrij Nederland, 26 a viz C'hwevrer 1996, p. 35–69.
  3. Sándor Radnóti, The fake: forgery and its place in art, Rowman & Littlefield, 1999, ISBN=9780847692064
  4. Frederik H. Kreuger, The Deception, Quantes uitgeverij, ISBN=9789059590311