The Chordettes
The Chordettes a oa ur strollad peder c'hanerez stadunanat hag a oa bet krouet e 1946 e Sheboygan (Wisconsin).
Kentañ izili ar strollad a voe :
- Janet Buschmann, aet da Janet Ertel goude dimeziñ,
- Jennifer Cole, aet da Jinny Osborn goude dimeziñ,
- Carol Hagedorn, aet da gCarol Buschmann goude dimeziñ,
- Dorothy Hummitzsch.
Aet da zDorothy Schwartz e 1952 goude dimeziñ e voe erlec'hiet Dorothy Hummitzsch gant Lynn Evans. Ha hi dougerez e voe erlec'hiet Jinny Osborn e 1953 gant Margie Needham. Goude dimeziñ gant ar soner stadunanat Archie Bleyer e dibenn 1953 e voe erlec'hiet Janet Ertel gant Nancy Overton e 1958.
Mil anavezet eo o c'hanaouennoù Mr. Sandman (1954) ha Lollipop (1958).
E 1961 he devoa graet he soñj Jinny Osborn mont kuit diouzh he c'henganerezed, ar pezh a reas d'ar strollad mont da get.