Terry Pratchett

Eus Wikipedia
Mont da : merdeiñ, klask
Traffic cone.png
Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ
Terry Pratchett
Anv ofisiel Terence David John Pratchett
Ganedigezh 28 a viz ebrel 1948
Yezh skrivañ Saozneg
Luskad lennegel Skiant-faltazi, Fantasy
Enorioù Prizh British Science fiction
Urzh an impalaeriezh saoz (1998)
Oberennoù pennañ
Terry Pratchett

Terence David John Pratchett, pe Terry Pratchett, a zo ur skrivagner saoz ganet d'an 28 a viz Ebrel 1948 e Beaconsfield (Buckinghamshire).

Buhez[kemmañ]


Kentañ oberenn Pratchett a oa un danevell: The Hades Business, embannet e-barzh kelaouenn e skol p'en doa 13 vloaz. Gounezet en devoa 14 £ (lur-saoz)hag adembannet e voe e 1961 e-barzh ar gelaouenn Science Fantasy. Skrivañ a reas da c'houde Night Dweller e miz Du 1965 e-barzh niverenn 156 New Worlds.

Goude ur bloaz studi war an arzoù, an istor hag ar saozneg, e krogas da labourat e 1965 evel kazetenner evit ar Bucks Free Press : « I started work one morning and saw my first body three hours later. »( « Kroget e oan da labourat ur mintinvezh ha teir eur goude em eus gwelet ma c'horf marv kentañ. » ). Kemer a rae kentelioù kazetennerezh ha saozneg e-pad e amzer vak.

A-drugarez d'e labour kazetenner e voe kaset da atersiñ Peter Bander Van Duren diwar benn ul levr embannet gantañ. Van Duren a oa is-rener un ti-embann bihan eus Gerrards Cross : Colin Smythe Limited. Komz a reas neuze eus ul levr en doa skrivet, The Carpet People, hag a voe embannet .

E 1970 e kuitaas Bucks Free Press evit labourat er Western Daily Press, a-raok distreiñ d'an hini kentañ e 1972 evel skoazeller war ar skridaozañ. Cheñch a reas c'hoazh ur wech e 1973, ar wech-mañ evit Bath Chronicle. E 1980, e voe karget eus daremprederezh ar Central Electricity Generating Board ( burev an energiezh )war un dachenn e-lec'h ma oa meur a greizenn nukleel.

Kuitaat a reas e labour er CEGB e 1987 rak merzhet en doa e c'houneze muioc'h a arc'hant gant e skridoù eget gant e labour. Adalek ar mare-se e skrivas daou levr bep bloaz.

Resev a raio Urzh an impalaeriez saoz e 1998 evit e servij d'al lennegezh, lavarout a reas kerkent d'ar mediaioù « I suspect the 'services to literature' consisted of refraining from trying to write any. » (« Dammgrediñ a ran ez eo bet roet ar servijoù-se din a-benn ampechiñ arcèhanon da skrivañ »).

D'an 11 a viz Kerzu 2007 e gemenas Pratchett e oa eñ tizhet gant ur stumm rall eus kleñved Alzheimer . Tri miz goude, e meurzh 2008, reiñ a ra ur milion a dollar d'an Alzheimer's Research Trust. Spontet eo ne vefe budjet ar c'hlask war an alzheimer nemet 3% eus hini ar c'hign-bev.

E 2009, dont a ra Terry Pratchett da vezañ Marc'heg Urzh an Impalaeriez Saoz. Bevañ a ra hiziv an deiz er Wiltshire gant Lyn, e gwreg.

Ar pezh en deus graet[kemmañ]