Tekla Iconium

Eus Wikipedia
Mont da : merdeiñ, klask
Santez Tekla

Tekla (Θήκλα/Thekla e gregach) zo ur santez eus ar Iañ kantved. He zud a oa paganed pinvidik e kêr Iconium, a zo Konya e Turki hiziv.

He buhez[kemmañ]

Santez Tekla, goude diwallet ganti kêr Este (Italia) diouzh ar vosenn, livet gant Giambattista Tiepolo, e 1759

Kristenez[kemmañ]

Anv ebet anezhi en Testamant Nevez. Hervez Oberoù Paol ha Tekla avat, savet en Eil kantved, e oa ur werc'hez yaouank anezhi, diskiblez da Paol Tars. Edo an abostol o kelenn ar feiz kristen en un ti a-gichen, ha Tekla o selaou, kuzhet a-drek ur prenestr. A-benn tri deiz e roas kred da brezeg Paol diwar-benn ar werc'hded hag e c'hoantaas dont da vout kristenez. Ma savas droug en he mamm hag e danvez he fried, Thamyris, a yeas d'he diskuliañ da gouarnour ar vro. Tec'hel a eure Paol, ha kondaonet e voe Tekla da vout laosket en bev. Arnev a voe, ha saveteet ar plac'h. Mont a eure da gaout Paol ha beajiñ gantañ betek Pisidia, ha gouzañv a eure poanioù all.

Eno, un den a renk uhel anvet Aleksandr, a c'hoantaas kousket ganti dre heg. Stourm outañ a eure Tekla, skeiñ gantañ, ma voe barnet ar plac'h abalamour da se. Kondaonet e voe da vout debret gant loened ferv, met ur burzhud a voe, hag ar parezed a zifennad anezhi diouzh dent ar pared.

N'eus skrid all ebet koshoc'h diwar he fenn.

He marv[kemmañ]

Bevañ a eure e Seleukia ma he doa savet ur peniti ha ma vevas betek he 80 vloaz;eno eo e vije bet beziet.

Kehelerezh[kemmañ]

Er c'hornôg e voe brudet adalek ar IVvet kantved. Lidet e vez d'an 23 a viz Gwengolo gant ar Gatoliked ha d'ar 24 a viz Gwengolo en iliz reizhkredennek. Pedet e vez evit an dud seizet hag ar vugale ha n'eont ket o-unan c'hoazh.

Kehelerezh er Reter[kemmañ]

Abalamour da Oberoù Paol ha Tekla a voe anavezet mat e Reter an impalaeriezh roman war a seblant eo e voe brudet ar santez hag enoret abred. Gwelet e veze evel ar verzherez kentañ hag ur santez par d'an ebestel zoken. Kement-se a c'hallfe prouiñ ez eus un diazez istorel d'ar vojenn.

Efesa[kemmañ]

En Efesa e weler anezhi e kev, pe kav, sant Paol, e murlivadurioù eus ar IVvet pe VIvet kantved int.

Bez Tecla e Maalula[kemmañ]

Ur manati reizhkredennek Santez-Tekla, Deir Mar Takla, evit ar merc'hed, zo e Maalula en Siria, savet e-kichen bez ar santez en ur c'hev. Di ez eer dre ur skalier e tor ar menez, pirc'hirinet e vez hag ur feunteun santel zo. Hervez ar vojenn e vije bet digoret ar menez da wareziñ Tekla diouzh he heskinerien.

E Kornog Europa[kemmañ]

Hervez ur vojenn e vije aet Tekla war vor (evel kalz a sent all en he goude) da dec'hel rak an heskinerien.

E Galia[kemmañ]

Degouezhet e Galia , treuzet ar Cévennes ganti ha kavet ul lec'h da chom er menezioù. Marvet e vije e Saint-Bonnet-de-Chirac, en Gévaudan ha beziet e-tal ar feunteun a zo bet lakaet en hec'h anv[1].

Sede marteze perak eo ken enoret er c'hreisteiz d'ar Menezioù Kreiz gall:

Hag en Auvergne e Chamalières ma voe kaset he relegoù er VIIvet kantved.


En Italia[kemmañ]

Kev-bez Tekla e Roma[kemmañ]

E Mezheven 2009, ouzh ur voger eus ar c'h-Catacomba di Santa Tecla e voe kavet gant hendraourien ar Vatikan ur poltred en ur murlivadur a gredont a zo koshañ skeudenn eus Paol Tars, graet er IVvet kantved .[2]

E Spagn[kemmañ]

Dre fent e vez lavaret eo Santez Tekla eo paeronez ar genrouedad, abalamour ma vez lavaret tecla eus touchenn an urzhiataer.

E Katalonia[kemmañ]

Enoret eo Tekla e Katalonia, en iliz-veur Santez Tekla e Tarragona. Ur straed zo en hec'h anv e Sitges ivez.

E Barcelona[kemmañ]

E Tarragona[kemmañ]

Santa Tecla eo santez Tarragona. Deiz gouel ar Santez (Festes de Santa Tecla) eo deiz ar gouel brasañ e kêr

Broioù all[kemmañ]

Delwenn da Santez Tekla, e Kielce, e Pologn.

E Suis ez eus ur chapel roman dezhi e Donatyre.


E Kembre eo bet enoret e Llandegla .

E SUA[kemmañ]

Teir farrez katolik zo en anv santez Tekla e SUA: e Clinton Township, Michigan, Pembroke, Massachusetts, ha Chicago, Illinois.

Gouel[kemmañ]


Notennoù[kemmañ]

  1. Patrom:Buffière, Tome I, p. ?
  2. Guardian UK: "Pope: Scientific analysis done on St. Paul's bones", 29 June 2009 accessed 30 June 2009.

Lennadurezh[kemmañ]

  • Eliott, J.K., "The Apocryphal New Testament: A Collection of Apocryphal Christian Literature in an English Translation," Oxford: Oxford University Press, 1993.
  • MacDonald, D.R., "The Legend and the Apostle: The Battle for Paul in Story and Canon," Philadelphia: Westminster Press, 1983.
  • Kirsch, J.P., Catholic Encyclopedia: "Sts. Thecla" , Volume XIV, New York: Robert Appleton Company, 1912.
  • Ehrman, Bart D., "Lost Christianities: The Battles for Scripture and the Faiths We Never Knew," Oxford University Press, 2005, ISBN 978-0-19-518249-1.

Liammoù diavaez[kemmañ]

Pennadoù kar[kemmañ]