Tank

Eus Wikipedia
Mont da : merdeiñ, klask
Un tank Leopard 2, en arme alaman.

Un tank, pe karr-hobregon, a zo ur c'harbed milourel hobregonet gant ur c'hanol.

An tankoù kentañ a voe implijet e-pad ar Brezel-bed kentañ gant lu ar Rouantelezh-Unanet e Flers (Bro-C'hall) d'ar 15 a viz Gwengolo 1916.

Gerdarzh[kemmañ]

Ur ger saoznek evit mirlec'h-dour eo, bet amprestet digant ar goudjarateg pe ar marateg. Implijet e voe da anv-kuzh gant lu ar Rouantelezh-Unanet pa veze o prientiñ an arm nevez-se e-pad ar Brezel-bed kentañ.

Istor[kemmañ]

Tank eus lu ar Rouantelezh-Unanet distrujet e Bourlon, Bro-C'hall, 1918

E meur a arme e oa bet studiet penaos sevel armoù nevez evel-se a-raok ar Brezel-bed kentañ. Gant lu ar Rouantelezh-Unanet e voe implijet da gentañ en un emgann e Flers (Bro-C'hall), d'ar 15 a viz Gwengolo 1916. Ne voent ket kavet gwall efedus ar gwechoù kentañ avat, met tamm-ha-tamm e voe ijinet tankoù efedusoc'h.

Etre an daou vrezel-bed e voe diorroet ijinennoù nevez. E-pad an Eil Brezel-bed e oa bet an tankoù armoù a bouez bras, dreist-holl war talbenn ar reter, ma voe emgannoù tankoù bras etre Alamagn hag an Unaniezh Soviedel, evel da skouer Emgann Koursk e 1943. E-touez an tankoù brudetañ eus ar mare-se emañ T-34 an Arme Ruz ha Tiger I ha Panther ar Wehrmacht. Hiziv c'hoazh eo pouezus an tankoù evel armoù er brezelioù.


Commons
Muioc'h a skeudennoù diwar-benn

a vo kavet e Kerandafar.