Tadjikeg

Eus Wikipedia
Mont da : merdeiñ, klask
Tadjikeg
(тоҷикӣ, تاجیکی , tojikī)
Perzhioù
Komzet e : Tadjikistan, Iran, Afghanistan, Pakistan, Kazakstan, Kirgizstan, Rusia, Turkmenistan, Ukraina, Ouzbekistan
Rannved : Kreiz Azia
Komzet gant : 7 380 000 (Tadjikistan)
15 000 000 (Afghanistan)
1 000 000 (Pakistan)/>15 000 000(Uzbekistan)
Renkadur : ???
Familh-yezh : Yezhoù Indezeuropek
Statud ofisiel
Yezh ofisiel e : Tadjikistan
Akademiezh : -
Kodoù ar yezh
ISO 639-1 tk
ISO 639-2 tkg
ISO 639-3
Kod SIL TGK
Sellit ivez ouzh ar pennad Yezh.

An tadjikeg (Tоҷикӣ, Tojikí, تاجیکی) a zo ur yezh persek komzet e Kreiz Azia.

Komzet e vez dreist-holl e Tadjikistan, Ouzbekistan, Afganistan, Bro-Sina (e kornôg Xinjiang) hag e kornôg Pakistan. Yezh ofisiel Tadjikistan eo an tadjikeg.

Tost-tre eo ouzh ar perseg hag evit lod ez eus anezhañ ur rannyezh dioutañ kentoc'h eget ur yezh da vat. Deuet eo da vezañ ur yezh en hec'h-unan da vare an Unaniezh Soviedel.

Implijet e veze al lizherenneg latinek evit skrivañ an tadjikeg adalek 1928 met war-lerc'h e veze implijet al lizherenneg kirillek. En Afganistan avat e kendalc'h an dajdikegerion da skrivañ o yezh oc'h implijout al lizherenneg arabek.

Daoust ha ma'z eo deuet da vezañ disheñvel a-walc'h an tadjikeg komzet e Tadjikistan diouzh an hini komzet en Afganistan hag Iran, dreist-holl abalamour d'ar bevennoù politikel ha da levezon ar rusianeg, e c'hell an holl dadjikegerion dont a-benn d'en em gompren en o yezh.

An div gêr bennañ e-lec'h ma vez komzet an tadjikeg a zo hiziv e-barzh Ouzbekistan, da lâret eo Samarkand ha Buc'hara.

E kornôg Pakistan ivez ez eus etre 500.000 hag ur milion a dud a ra gant an tadjikeg ouzhpenn an holl zivroidi deuet eus lec'hioù all ma vez komzet tadjikeg.


Gwelet ivez[kemmañ]

Liammoù diavaez[kemmañ]