So Long, Marianne

Eus Wikipedia
Mont da : merdeiñ, klask

"So Long, Marianne" a zo ur ganaouenn bet savet gant ar barzh ha soner kanadian Leonard Cohen. War bladenn gentañ Leonard Cohen (The Songs of Leonard Cohen) emañ. Lakaet eo bet gant skipailh Pitchfork Media er 190 renk en e listennad "The 200 Greatest Songs of the 1960s."[1]

Istor[kemmañ]

Awenet e voe Cohen gant Marianne Jensen (Marianne Ihlen). Kejañ a rejont en Hydra e Gres e 1960. Cohen a lavaras e oa ar vaouez vravañ en doa biskoazh gwelet. [2] D'ar mare-se e oa bet dilezet, hi hag he bugel 6 miz, gant he gwaz, ar skrivagner norvegiat Axel Jensen. Leonard Cohen eo a gasas anezho en-dro da Oslo. Goude-se e pedas anezhi da zont da chom gantañ da Vontreal. [3] Asambles e vevjont er bloavezhioù 1960, hag e kasjont o amzer etre New York, Montreal ha Hydra.

Trede levr barzhonegoù Leonard Cohen (Flowers for Hitler) a zo gouestlet dezhi. Ul luc'hskeudenn eus Marianne Jensen a weler ivez war golo kein eil pladenn Leonard Cohen, Songs From a Room.

Ar ganaouenn adsonet[kemmañ]

Meur a soner pe strollad sonerien en deus sonet ar ganaouenn : Beck, John Cale asambles gant Suzanne Vega, Brian Hyland, James e-touez re all.

Liamm diavaez[kemmañ]

Notennoù[kemmañ]