Skania
Skania (Skåne e svedeg) zo ur rannvro douaroniel eus Sveden e beg kreisteisañ ledenez Lec'hlenn, hag ur broviñs istorel (landskap) e Rouantelezh Sveden, ur broviñs e Rouantelezh Danmark a-raok 1658 ha lod eus douaroù istorel Danmark, hag ivez, abaoe 1997, ur gontelezh (län) eus Sveden. En hanternoz emañ proviñsoù Halland, Småland ha Blekinge, er reter ha kreisteiz ar Mor Baltek, hag er c'huzh-heol strizh-mor Oresund.
Un darn eo eus Rannvro Oresund, ur rannvro dreistbroadel. War-dro 130 km hed zo dezhi a hanternoz da greisteiz, hag en em astenn a ra Skania e nebeutoc'h eget 3% eus gorread Sveden. 1 250 000 a dud zo o chom enni (2011), da lavarout eo 13% eus poblañs Sveden en holl.
Abalamour d'al liammoù istorel gant Danmark, d'ar gompezenn ec'hon ha d'an hin glouaroc'h e seller ouzh Skania evel ur vro disheñvel diouzh ar peurrest eus Sveden[1].
Istor[kemmañ | kemmañ ar vammenn]
Gwelout Istor Skania ha Skåneland.
Dave ha notennoù[kemmañ | kemmañ ar vammenn]
- ↑ Germundsson, Tomas (2005). "Regional Cultural Heritage versus National Heritage in Scania’s Disputed National Landscape." International Journal of Heritage Studies, Vol. 11, No. 1, March 2005, pp. 21–37. (ISSN 1470–3610).
Pennad kar[kemmañ | kemmañ ar vammenn]
| |||||
