Sivet Afrika

Eus Wikipedia
Mont da : merdeiñ, klask
Sivet Afrika
Civet.JPG
Rummatadur klasel
Riezad : Loened
Skourrad : Chordata
Kevrennad : Mammalia
Urzhiad : Carnivora
Kerentiad : Viverridae
Genad : Civettictis
Anv skiantel
Civettictis civetta
Schreber, 1776
Ar pennad-mañ a denn d'ar
vevoniezh
AlphaHelixSection.svg Kantarell, Iduns kokbok.jpg Symbole-Zoo.png

Sivet Afrika (Civettictis civetta) a zo ur bronneg hag a vev e kreiz Afrika. Ar spesad nemetañ eo er genad Civettictis.

Bevañ a ra er savanennoù hag er c'hoadeier. Ral eo el lec'hioù krin, nemet a-hed stêrioù 'zo er rannvroioù sec'h (evel e Niger, Mali pe Tchad).

Doareoù pennañ[kemmañ]

Brasañ spesad viverrideged Afrika eo ar sivet-mañ, ouzhpenn 1 m e hirder ha 15 kg a bouez ennañ.

Tennañ a ra e fas ouzh hini ar rakoun. Ur moue a red a-hed e livenn-gein hag a sav a-bik pa vez fromet pe chalet al loen.

Gouennañ[kemmañ]

Ar barez a c'hell genel reoù vihan div pe deir gwech ar bloaz, goude un dougen daou viz. Etre 1 ha 4 c'holen blevek a ya d'ober pep torad.

Goude bezañ denet o mamm e-pad 6 sizhun e c'hell ar siveted bihan debriñ boued solut pourchaset dezhe. Gouest int d'en em vagañ o-unan adalek o eil miz. Un hollzebrer eo sivet Afrika ha debriñ a ra frouezh, gagnoù, krignerien, amprevaned, vioù, stlejviled, hag evned.

Emzalc'h[kemmañ]

Oberiant eo sivet Afrika diouzh an noz dreist-holl. Kousket a ra er geot stank pe er brousgwez. Un neizh a vez graet gant ar barez p'emañ gant he reoù vihan.

Sivet Afrika e voue dispak
Tennañ a ra dremm sivet Afrika ouzh hini ar rakoun