Sant-Yagu-an-Enez

Ar maerdi.

Anv gallek (ofisiel)

Saint-Jacut-de-la-Mer

Melestradurezh

22302

22750

Maer
Amzer gefridi

Jean-Luc Pithois
2020-2026

(fr)www.mairie-saintjacutdelamer.com

Poblañsouriezh

Poblañs

910 ann. (2020)^[1]

Stankter

312 ann./km²

Douaroniezh

Daveennoù
lec'hiañ

48° 35′ 52″ Norzh
2° 11′ 20″ Kornôg / 48.597777778, -2.188888889

Uhelderioù

kreiz-kêr : 20 m
bihanañ 0 m — brasañ 43 m

Gorread

2,92 km²

Sant-Yagu-an-Enez

Sant-Yagu-an-Enez a zo ur gumun eus Breizh e Kanton Plouvalae e departamant Aodoù-an-Arvor.

Douaroniezh[kemmañ | kemmañ ar vammenn]

Traezhenn "Le Rougeret".

War aod Mor Breizh emañ Sant-Yagu.

Istor[kemmañ | kemmañ ar vammenn]

Dont a ra anv ar barrez eus hini ar sant brezhon Yagu.

Sant-Yagu-an-Enez a vez graet eus ar gumun e brezhoneg, ha neket Sant-Yagu-ar-Mor e-giz ar galleg, rak e-pad pell e oa un enezenn anezhi. Staget e voe-hi tamm-ha-tamm ouzh an douar-bras, gant an traezh berniet a bep tu d'ar roudour, e bae an Argenon ha hini Beaussais. E-pad pell e reas Santyaguiz l'Isle (an Enez) eus o c'humun, hag el lec'hanvadurezh e chom roudoù eus ar mare-se, da skouer le Chef de l'Isle, ar gêriadenn e penn pellañ ar gourenez.
Eviti da vezañ enkelc'hiet gant eskopti Sant-Maloù e oa stag ouzh eskopti Dol

Landoag, pe Landouar (?) e oa anv ar barrez a-raok donedigezh an daou vreur Yagu ha Gwezhenneg, menec'h a Vro-Gembre, a ziazezas ur manati eno er V^vet kantved.
878 : devet ar manati gant an Normaned
1008 : adsavet an abati
1790 : savet ur gumun anvet Isle-Jacut ha goude Port-Jacut.
1873 : anvet Saint-Jacut-de-la-Mer.

XX^vet kantved[kemmañ | kemmañ ar vammenn]

E penn kentañ an XX^vet kantved e oa Sant-Yagu ur porzh pesketaerezh a-bouez, evit ar brizhilli dreist-holl. E 1930 e oa an eil porzh brasañ e departamant Aodoù-an-Hanternoz.

Diwar ar mor e veve tud ar gumun, ha daoust dezho bezañ o chom en ur c'hourenez e oa dishañval-mat o zemz-spered diouzh hini tud an trowardroioù. Lod kontadennoù dastumet er c'horn-bro gant Paul Sébillot zo enno fentigelloù diwar-goust Santyaguiz.

En deiz a hiziv ez eo Sant-Yagu ul lec'h touristel, perc'hennet muioc'h-mui gant tud eus an diavaez, e-kreiz Aod an Emrodez. Beg ar Cheved, traezhenn ar Rougerais hag an Enez Vihan eo al lec'hioù muiañ-gweladennet.

Brezel-bed kentañ[kemmañ | kemmañ ar vammenn]

Mervel a reas 41 gwaz eus ar gumun abalamour d'ar brezel hervez monumant ar re varv, da lavaret eo 3,66 % ag ar boblañs hervez an niveradeg bet graet e 1911^[2].

Eil Brezel-bed[kemmañ | kemmañ ar vammenn]

Mervel a reas 20 den eus ar gumun abalamour d'ar brezel^[2].

Brezelioù didrevadennañ[kemmañ | kemmañ ar vammenn]

Brezel Indez-Sina[kemmañ | kemmañ ar vammenn]

Lazhet e voe ul letanant eus ar gumun d’an 18 a viz Even 1949 e Boun Xa Cay er Viêtnam^[3].

Monumantoù ha traoù heverk[kemmañ | kemmañ ar vammenn]

An iliz katolik kozh.
An tour-iliz.
An abati.

An iliz katolik kozh.
Iliz katolik Sant Yagu.
An abati.
Monumant ar re varv dirak ar vered, luc’hskeudenn ha kartenn-bost^[4]. Dioueliet e voe d’an 8 a viz Du 1925^[5].
Plakennoù ar re varv (1914-1918 ha 1939-1945) en iliz katolik, luc’hskeudenn^[6].