Sant-Nazer

Diwar Wikipedia, an holloueziadur digor

Labour 'zo d'ober c'hoazh a-raok peurechuiñ ar pennad-mañ. Ma fell deoc'h reiñ un tamm skoazell, krogit e-barzh. Mar karfec'h reiñ hoc'h ali ha netra ken, grit 'ta e pajenn ar gaozeadenn.

Kumunioù Breizh
Sant-Nazer
Skoed ardamez Sant-Nazer
Departamant	Liger-Atlantel
Bro hengounel	Bro Naoned
Arondisamant	Arondisamant Sant-Nazer
Etrekumuniezh	Kumuniezh tolpad-kêrioù Sant-Nazer hag an aber
Bro 'Voynet'
Pastell-vro votiñ	{{{Pastell-vro}}}
Kanton	penn tri c'hanton
Kod INSEE	44184
Kod post	44600
Maer Amzer gefridi	Joël-Guy Batteux {{{amzer-gefridi}}}
Gorread	4 679 ha = 46,79 km²
Hed	02° 12' 31" W
Led	47° 16' 50" N
Uhelder	keitat : 6 m bihanañ : 0 m brasañ : 47 m
Poblañs hep kontoù doubl	68 838 (2006)
Stankter	1 471 ann./km2
{{{kartenn}}}

Sant-Nazer a zo ur gêr eus Liger-Atlantel, war aod su Breizh. Ur porzh war aber al Liger an hini eo, ha trede kêr Breizh.

Taolenn

1 Istor
2 Ekonomiezh
3 Poblañsouriezh
4 Sevenadur
5 Brezhoneg
6 Tud liammet gant ar gêr
- 6.1 Tud ganet e Sant-Nazer
- 6.2 Tud all liammet gant ar gêr
7 Gevellerezh
8 Notennoù
9 Liammoù diavaez

[kemmañ] Istor

[kemmañ] Henamzer

Seblant a ra Sant-Nazer bezañ ar gêr geltiek kozh Corbilo. Meneget eo anv ar porzh galian mojennel-mañ gant Piteas er Vvet kantved a-raok JK, ha war lerc'h gant Plinius an Henañ.

War tachenn pobl an Namneted e oa lec'hiet.

[kemmañ] Krenn-Amzer

Hervez an istorour Alain Bouchart (XVvet kantved) e oa aze e oa aet ar roue mojennel Brutus Breizh evit diazezañ e vroad nevez.

[kemmañ] Greanteladur bras e-pad an XIXvet hag an XXvet kantved

Ur porzh bras eo deuet da vezañ. Kalz stourmoù sokial zo bet ivez.

[kemmañ] Eil Breizel Bed

E-pad an eil brezel bed, an Alamaned a aloubas ar gêr e miz Even 1940. Un diazlec'h evit al listri-spluj a savjont enni.

Skeudennoù an diazlec'h listri-spluj :

[kemmañ] Ekonomiezh

Ar Queen Mary 2 savet e Sant-Nazer

Diazezet eo ekonomiezh ar gêr war e borzh : ezporzhiañ produioù oberiet met ivez ar servijoù. Ekonomiezh ar pesketa zo aet da get koulz lâret, ne chom nemet ul lestraz bihan.

Sed amañ ar greanterezhioù pennañ :

lestrsaverezh : Chanterioù an Atlanteg (bremañ Aker Yards), bet savet ar morreder Queen Mary 2
aerlestrsaverezh : unan eus kreizennoù european Airbus zo enno. Labouradeg istorel ar SNCASO, ha war e lec'h ar SNIAS, an Aérospatiale ha goude Airbus, zo lec'hiet e Penhoet, e-kichen tout Chanterioù an Atlanteg. Ul labouradeg nevez oa savet e Gron er bloavezhioù 1980.
mekanikerezh gant ar SEMT Pielstick, saver keflusker Diesel 4 amzer evit al listri, an trenoù hag an produiñ tredan. Implijout a rae 670 den ar SEMT Pielstick e Sant-Nazer e 2006.
ar porzh : porzh kentañ Breizh an hini eo e framm Porzh Emren Naoned-Sant-Nazer, ennañ ur termenva produioù boued, ur termenva metanlistri, termenva Elf e Donez ha kalz greanterezkioù all.

Unan eus div sez Kambr Kenwerzh ha Greanterezh Naoned ha Sant-Nazer an hini eo.

[kemmañ] Poblañsouriezh

Emdroadur

^[1]

[kemmañ] Sevenadur

Filmoù zo zo bet graet e Sant-Nazer : Le Poulpe pe Les Vacances de monsieur Hulot.

Tintin, Milou hag ar c'habiten Haddock a zay da Sant-Nazer en albom Ar 7 boulenn strink. Kerzhout a reont war kaeoù ar porzh da glask ar c'helenner Tournesol.

Ar Festival Voisinages, arvestoù a bep seurt, e sal Le fanal, leurenn "vroadel".

[kemmañ] Brezhoneg

Ur skol Diwan a zo eno abaoe 1991.
E distro-skol 2007 e oa enskrivet er skol divyezhek 0,4% eus bugale ar gumun evit a sell ouzh ar c'hentañ derez. [1]

[kemmañ] Tud liammet gant ar gêr

[kemmañ] Tud ganet e Sant-Nazer

René-Yves Creston (1898-1964), arzour, tudoniour, stourmer breizhat, diazezoural luskad Ar Seiz Breur
Odette du Puigaudeau (1894-1991), tudoniour
François Blancho, maer ha kannad
Fernand Guériff (1914-1994), sonaozer, istorour, kazetenner diwar-benn Gourenez Gwenrann dreist-holl^[2]
Yann Goulet (1914-1999), stourmer breizhat, kizeller ofisiel Republik Iwerzhon
Gildas Bernard, (1925-2001), diueller, loread ar Casa de Velãquez
Georges hag André Bellec, izili ar strollad sonerezh ha fent Les Frères Jacques
Gustave Tiffoche, prier, livour ha kizeller, ganet e 1930
Olivier Josso, treser bannoù-treset
Colonel Moutarde, skeudennerez
Rémi Boulon, ganet e 1973, skrivagner ha videour

[kemmañ] Tud all liammet gant ar gêr

Fernand Pelloutier, (1867-1901), kazetenner, stourmer anarkour ha sindikadeler, teorisian an harz-labour hollek
Aristide Briand, breutaer ha politikour, Priz Nobel ar Peoc'h e 1926. Bet e oa e kuzul ar gêr etre Mae 1888 ha C'hwevrer 1889. E Sant-Nazer e oa bet savet ha skoliet, e dud a zalc'he "Le Grand Café", deuet da vout ur greizenn diskouezadegoù arz a-vremañ hiziv an deiz.